Brwydr La Rochelle

Oddi ar Wicipedia
Brwydr La Rochelle
Enghraifft o'r canlynolbrwydr fôr Edit this on Wikidata
Dyddiad23 Mehefin 1372 Edit this on Wikidata
Rhan oy Rhyfel Can Mlynedd Edit this on Wikidata
LleoliadLa Rochelle Edit this on Wikidata
Map
GwladwriaethFfrainc Edit this on Wikidata
Brwydr La Rochelle, o gronicl Jean Froissart, 15fed ganfif.

Ymladdwyd Brwydr La Rochelle ar y môr gerllaw porthladd La Rochelle (Charente-Maritime) ar arfordir gorllewinol Ffrainc ar 22 Mehefin 1372. Roedd yn un o frwydrau y Rhyfel Can Mlynedd rhwng Ffrainc a Lloegr. Gorchfygwyd y llynges Seisnig gan lynges o Castilla a Ffrainc.

Roedd y Saeson yn meddiannu dinas La Rochelle, ond roedd y Ffrancwyr yn gwarchae arni. Gyrrwyd llynges Castilla, dan Ambrosio Bocanegra o Genova, i ymosod ar La Rochelle a'r llynges Seisnig, oedd dan John Hastings, Iarll Penfro.

Cafodd Bocanegra fuddugoliaeth ysgubol; cymerwyd Hastings ei hun yn garcharor, ynghyd â 400 o farchogion ac 8,000 o filwyr. Rhoddodd hyn y llaw uchaf ar y môr i Ffrainc, am y tro cyntaf ers Brwydr Sluys yn 1340.

Yn y cyfnod cyn y frwydr, roedd Owain Lawgoch wedi hwylio am Gymru i geisio hawlio ei etifeddiaeth fel Tywysog Cymru. Roedd yn ymladd ar Ynys y Garn pan gafodd orchymyn gan Siarl V, brenin Ffrainc i hwylio i Castilia i gasglu llongau. Roedd Owain ei hun yn dal yn Sbaen pan ymladdwyd y frwydr.