Kniefall von Warschau

Oddi ar Wicipedia
Neidio i'r panel llywio Neidio i'r bar chwilio
Data cyffredinol
Enghraifft o'r canlynoldigwyddiad Edit this on Wikidata
Dyddiad7 Rhagfyr 1970 Edit this on Wikidata
LleoliadMonument to the Ghetto Heroes Edit this on Wikidata
Hyd30 eiliad Edit this on Wikidata
Tudalen Comin Ffeiliau perthnasol ar Gomin Wicimedia
Plac yn Warsaw i gofio arwydd Brandt.

Arwydd o ostyngeiddrwydd a phenyd gan Willy Brandt, Canghellor Gorllewin yr Almaen, i ddioddefwyr Gwrthryfel Geto Warsaw oedd Kniefall von Warschau (Almaeneg am "Penliniad Warsaw"). Digwyddodd ar 7 Rhagfyr 1970 yn ystod taith gan Brandt i arwyddo Cytundeb Warsaw. Ar ôl y seremoni arwyddo, aeth Brandt i fedd y Milwr Dienw i osod plethdorch, ac yna i gofeb Gwrthryfel y Geto. Ar ôl gosod plethdorch o flaen y gofeb, penliniodd Brandt yn annisgwyl gan aros yn dawel ac yn llonydd am gyfnod. Cafodd delweddau o'r digwyddiad eu dangos ar draws y byd. Ar y pryd bu cryn beirniadaeth yng Ngorllewin yr Almaen gan haeru fod yr ystum yn ormod, ond yn ddiweddarach ystyriwyd y digwyddiad yn foment bwysig ym mhroses cymod rhwng yr Almaen a Gwlad Pwyl.

Yn ei hunangofiant, ysgrifennodd Brandt:

Ni gynlluniais ddim, ond gadewais Gastell Wilanow, lle'r oeddwn yn aros, â theimlad bod angen imi fynegi arwyddocâd eithriadol cofeb y geto. O waelod affwys hanes yr Almaen, o dan faich miliynau a lofruddwyd, fe wnes i'r hyn mae bodau dynol yn ei wneud pan fo iaith yn pallu.[1]

Gweler hefyd[golygu | golygu cod y dudalen]

Cyfeiriadau[golygu | golygu cod y dudalen]

  1. Brandt (1989/1992), t. 200.

Ffynhonnell[golygu | golygu cod y dudalen]

  • Brandt, W. My Life in Politics (Penguin: 1989/1992). Cyfieithwyd gan Anthea Bell.

Dolen allanol[golygu | golygu cod y dudalen]