Neidio i'r cynnwys

King Tubby

Oddi ar Wicipedia
King Tubby
Ganwyd28 Ionawr 1941 Edit this on Wikidata
Kingston Edit this on Wikidata
Bu farw6 Chwefror 1989 Edit this on Wikidata
Kingston Edit this on Wikidata
Label recordioTrojan Records Edit this on Wikidata
DinasyddiaethJamaica Edit this on Wikidata
Galwedigaethcynhyrchydd recordiau, cyfansoddwr, peiriannydd sain, cerddor Edit this on Wikidata
Arddullreggae, dub music Edit this on Wikidata

Roedd King Tubby (Ganwyd: 28 Ionawr 1941 yn Kingston, Jamaica fel Osbourne Ruddock, llofruddiwyd 6 Chwefror 1989) yn gynhyrchydd a pheiriannydd sain Reggae. [1]

Cafodd King Tubby ddylanwad mawr ar ddatblygiad cerddoriaeth Jamaica yn y 1970au ac enillodd dilyniant mawr gyda ffans Reggae ar draws y byd.

Gyda Lee "Scratch" Perry mae King Tubby yn cael y clod am fod un o'r cyntaf i ail-gymysgu traciau caneuon i fersiynau "Dub". Mae fersiwn "Dub" o drac cerddorol fel arfer heb lais y prif ganwr, mae lefelau sŵn rhythmau’r bâs a drymiau'n cael eu codi'n llawer uwch ac mae effeithiau atsain a "reverb" yn cael eu hychwenegu. Daeth ail-gymysgu traciau caneuon - y "remix" - yn rhan hanfodol o gynhyrchu cerddoriaeth electronig dawns ar draws y byd o'r 1980au ymlaen. [2]

Meistr y Dub

[golygu | golygu cod]
System sain Reggae

Roedd Ruddock wrth ei fodd yn chwarae, creu a gwella offer electronig a gweithiodd fel atgyweiriwr radio ar ddiwedd y 1950au. Dechreuodd drwsio systemau sain o amgylch Kingston, roedd galw mawr am ei sgiliau wrth i gangiau'r wahanol systemau sain yn aml yn ceisio malu offer sain eu cystadleuwyr.

Sefydlodd ei system sain Tubby's Home Town Hi-Fi. Wrth i'r system sain ddod yn boblgaidd, cafodd King Tubby gyfle i weithio fel torrwr platiau i wneud disgiau'r recordiau i Treasure Isle stiwdio Duke Reid prif gynhyrchydd recordiau Jamaica y cyfnod. Dyma le dechreuodd King Tubby gymryd y syniad o ail-gymysgu i lefel hollol newydd.

Roedd y rhan fwyaf o recordiau sengl 45 Jamaica'r cyfnod yn cynnwys fersiwn offerynnol o'r brif gân ar yr ochr B, y “fersiwn”. Pan ofynnwyd i King Tubby gynhyrchu fersiynau o ganeuon ar gyfer y Toasters sef MCs system sain, dechreuodd droi y traciau'n ddarnau hollol newydd o gerddoriaeth trwy newid y pwyslais ar yr offerynnau, ychwanegu/tynnu synau ac effeithiau arbennig. Yn ôl y canwr Mikey Dread, roedd King Tubby yn deall sain yn wyddonol oherwydd ei fod yn gwybod sut roedd y 'circuits' yn gweithio a beth oedd electroneg yn ei wneud.[3]

Ym 1971, agorodd y King Tubby ei stiwdio ei hun gan ddefnyddiodd cymysgydd 4 trac i greu fersiynau "dub" o ganeuon gwreiddiol trwy ei ddesg gymysgu bwrpasol.

Roedd Tubby yn aml yn trawsnewid y caneuon poblogaidd roedd prif gynhyrchwyr Jamaica yn rhoi iddo i'r pwynt lle roedd bron yn amhosibl adnabod y fersiwn wreiddiol. Yn 1973, ychwanegodd King Tubby bwrdd cymysgydd 4 trac ac adeiladodd fwth canu yn ei stiwdio er mwyn recordio traciau llais ar y tapiau offerynnol.

Roedd y cynhyrchydd Bunny Lee yn cadw King Tubby yn arbennig o brysur gyda llif cyson o senglau i'w hailgymysgu. Mae detholiad o'r rhain i'w gweld yn yr albymau arloesol Dub From the Roots a King Tubby Meets the Aggrovators.

Cydweithrediad llwyddiannus arall oedd yr un gyda Vivian Jackson oedd yn perfformio o dan yr enw "Yabby U", gydag albymau fel King Tubby's Prophecy of Dub a Wall of Jerusalem.

Roedd Augustus Pablo hefyd yn gleient amlwg: yn ail-gymysgu cerddoriaeth ar gyfer ei label Rockers, hefyd rhyddhawyd y ddau albymau nodedig fel 'King Tubbys Meets Rockers Uptown. Dyma rai yn unig o'r nifer o gydweithrediadau llwyddiannus rhwng King Tubby ac artistiaid Jamaica ddi-rif. Trwy gydol ei yrfa lansiodd King Tubby wahanol labeli recordio: Firehouse, Waterhouse, Kingston II, a Taurus.

Erbyn diwedd y 1970au, roedd King Tubby wedi troi ei sylw at hyfforddi cenhedlaeth newydd o beirianwyr a chynhyrchwyr, gan gynnwys Scientist a'r Jammy (ddaeth yn 'King' Jammy ar ôl marwolaeth ei fentor). Erbyn canol y 1980au, roedd King Tubby wedi symud i gynhyrchu, ac wedi rhyddhau senglau gan gantorion fel Sugar Minott, Anthony Red Rose, Chaka Demus a Johnny Clarke.

Ar 6 Chwefror 1989, saethwyd a lladdwyd y King Tubby y tu allan i'w gartref yn Kingston - fel canlyniad i ladrad ar y stryd. [4]

Ymhlith y nifer fawr o deyrngedau i King Tubby ar draws y byd yn dilyn ei lofruddiaeth, cynhaliwyd digwyddiad diwrnod o hyd yn chwarae ei gerddoriaeth yn Nafarn yr Albert yng Nghaernarfon. Cynhyrchwyd y fanzine "Tubzine" fel teyrnged iddo ar gyfer y digwyddiad .

Discograffi

[golygu | golygu cod]

Gweithiodd King Tubby ar ganodd (o bosib miloedd) o draciau yn bennaf ar senglau 45 Jamaica. Mae'r rhestr ganlynol yn ddetholiad o rhai o'r albymau sydd wedi'u bod ar gael tu allan i Jamaica

Gydag Augustus Pablo

[golygu | golygu cod]
  • Ital Dub (1974, Starapple/Trojan Records)
  • King Tubbys Meets Rockers Uptown (1976, Yard Music/Clocktower Records)
  • Original Rockers (1979, Rockers International/Greensleeves Records/Shanachie Records)
  • Rockers Meets King Tubby in a Firehouse' (1980, Yard Music/Shanachie)

Gyda The Aggrovators

[golygu | golygu cod]
  • Shalom Dub (1975, Klik)
  • Dubbing in the Backyard (1982, Black Music)

Gyda Prince Jammy

[golygu | golygu cod]
  • His Majesty's Dub|His Majestys Dub (1983, Sky Juice)

Gyda Prince Jammy a Scientist

[golygu | golygu cod]
  • First, Second and Third Generation of Dub (1981, KG Imperial)

Gyda Lee "Scratch" Perry

[golygu | golygu cod]
  • Upsetters - Dub Blackboard Jungle (1973, Upsetter Records)
  • King Tubby Meets the Upsetter at the Grass Roots of Dub (1974, Fay Music/Total Sounds)

Gyda Bunny Lee

[golygu | golygu cod]
  • Dub from the Roots (Total Sounds, 1974, Total Sounds)
  • Creation of Dub (1975, Total Sounds)
  • The Roots of Dub (a.k.a. Presents the Roots of Dub) (1975, Grounation/Total Sounds)

Gydag Yabby U

[golygu | golygu cod]
  • King Tubby Meets Vivian Jackson (a.k.a. Chant Down Babylon a Walls Of Jerusalem) (1976, Prophet)
  • King Tubby's Prophecy of Dub (a.k.a. Prophecy of Dub) (1976, Prophets)

Cydweithio arall

[golygu | golygu cod]
  • Niney the Observer – Dubbing with the Observer (1975, Observer/Total Sounds)
  • Harry Mudie – In Dub Conference Volumes One, Two & Three (1975, 1977 & 1978 Moodisc Records)
  • Larry Marshall – Marshall (1975, Marshall/Java Record)
  • Roots Radics – Dangerous Dub (1981, Copasetic)
  • Waterhouse Posse – King Tubby the Dubmaster with the Waterhouse Posse (1983, Vista Sounds)
  • Sly & Robbie – Sly and Robbie Meet King Tubby (1984, Culture Press)

Amlgyfrannog

[golygu | golygu cod]
  • King Tubby & The Aggrovators – Dub Jackpot (1990, Attack)
  • King Tubby & Friends – Dub Gone Crazy - The Evolution of Dub at King Tubby's 1975-1979 (1994, Blood & Fire)
  • King Tubby & The Aggrovators & Bunny Lee – Bionic Dub (1995, Lagoon)
  • King Tubby & The Aggrovators & Bunny Lee – Straight to I Roy Head 1973–1977 (1995, Lagoon)
  • King Tubby & Scientist – At Dub Station (1996, Burning Sounds)
  • King Tubby & Scientist – In a World of Dub (1996, Burning Sounds)
  • King Tubby & Glen Brown – Termination Dub (1973-79) (1996, Blood & Fire)
  • King Tubby & Soul Syndicate – Freedom Sounds In Dub (1996, Blood & Fire)
  • King Tubby & Friends - Crucial Dub (2000, Delta)
  • King Tubby & The Aggrovators – Foundation of Dub (2001, Trojan)
  • King Tubby – Dub Fever (2002, Music Digital)
  • African Brothers Meet King Tubby – In Dub (2005, Nature Sounds)
  • King Tubby - Hometown Hi-Fi (Dubplate Specials 1975-1979) (2013, Jamaican Recordings)


Cyfeiriadau

[golygu | golygu cod]
  1. ↑ Stratton, Jeff (3 March 2005). "Dub from the Roots". Miami New Times.
  2. ↑ Colin Larkin, ed. (1992). The Guinness Encyclopedia of Popular Music (First ed.). Guinness Publishing. pp. 1380/1. ISBN 0-85112-939-0.
  3. ↑ https://enkismusicrecords.com/king-tubby-biography-sound-engineer-producer/
  4. ↑ Thompson, Dave (2002) Reggae & Caribbean Music, Backbeat Books, ISBN 0-87930-655-6, pp. 138–141
Wedi dod o "https://cy.wikipedia.org/w/index.php?title=King_Tubby&oldid=13272925"