James Howell

Oddi ar Wicipedia
Jump to navigation Jump to search
James Howell
James Howell (Abraham Bosse, 1641).jpg
Ganwyd 1594 Edit this on Wikidata
Llangamarch Edit this on Wikidata
Bu farw 1666 Edit this on Wikidata
Alma mater
Swydd Member of the 1628-29 Parliament Edit this on Wikidata

Llenor ac hanesydd Cymreig yn yr iaith Saesneg oedd James Howell (tua 1594 – 1666).[1]

Mae'n debyg iddo gael ei eni yn Abernant, Sir Gaerfyrddin. Astudiodd yng Ngholeg yr Iesu, Rhydychen. Daeth yn aelod seneddol dros Richmond, Swydd Efrog, yn 1627.

Cafodd ei garcharu yn y cyfnod 1643–51, naill ai am iddo fethu talu ei ddyled neu am ei farn o blaid y Brenhinwyr yn ystod Rhyfel Cartref Lloegr. Dechreuodd ysgrifennu yn ystod ei gyfnod yng Ngharchar y Fflyd.

Cyhoeddodd ei Epistolae Ho-Elianae, casgliad o draethodau ar ffurf llythyron, mewn pedair cyfrol (1645–55). Mae'r epistolau hyn yn cofnodi sawl digwyddiad o'r cyfnod, ond nid ydynt yn llwyr ddibynadwy gan eu bod yn llawn llên-ladrad a ffug fanylion. Cafodd Howell ei benodi'n hanesydd y brenin yn 1660 yn sgil yr Adferiad. Yn ogystal, cyhoeddodd gyfieithiadau, geiriaduron, llyfrau taith, gweithiau dychmygol, a phamffledi ar bynciau gwleidyddol. Bu farw yn Llundain yn 1666.

Cyfeiriadau[golygu | golygu cod y dudalen]

  1. (Saesneg) James Howell. Encyclopædia Britannica. Adalwyd ar 9 Mehefin 2019.