Jakokoyak

Roedd Jakokoyak yn brosiect cerddoriaeth lo-fi pop o Gymru, gydag elfennau seicadelic gwerin ac arbofi electroneg.

Pensaer y prosiect electroneg arbofol Jakokoyak oedd Rhys Edwards. Roedd yn canu yn y Gymraeg a'r Saesneg. Yn wreiddiol o'r Wyddgrug ond wedi ei fagu ar Ynys Môn, dechreuodd Edwards recordio pan oedd yn y Brifysgol. Gan weithio a recordio ar ei ben ei hun, fe arbrofodd gyda hen allweddellau a phedalau effeithiau. Mae'r unigrwydd yma yn dod drosodd yn gryf yn ei gerddoriaeth ac yn rhan o sain unigryw Jakokoyak. Rhyddhaodd ei albym cyntaf, Am Cyfan Dy Pethau Prydferth (cafodd y teitl ei gymryd oddi ar boster a gyfieithwyd yn wael ar furiau Undeb Prifysgol Caerdydd) yn 2003 ac fe gafodd ei ail-ryddhau yn Japan yn 2004. Teithiodd gyda'r Super Furry Animals yn Japan a bu'n perfformio yn stiwdios Maida Vale gyda Mogwai. Cafodd yr EP Flatyre ei ryddhau yn 2006 ac roedd y gan "Eira" yn record yr wythnos ar orsaf radio Xfm.

Disgyddiaeth

Albymau

• Am Cyfan Dy Pethau Prydferth (Awst 2003, Recordiau Peski)
• Am Cyfan Dy Pethau Prydferth (ail-rhyddhau yn Siapan, Awst 2004, Macaroni Records)
• Aerophlot (Awst 2010)

Senglau ac EPs

• Look Away Now (If You Don't Want to Know the Score) (Tachwedd, 2008)
• Flatyre, (EP) (Mawrth 2006), (Recordiau Peski)

Crynoddisgiau Amlgyfrannog

• Respond (Amgueddfa Cymru) (Mawrth 2009)
• "Rallye Cloak 03: Goodbye Blue Monday (Rallye Records, JAPAN)" (Hydref 2008)
• Folk Off! (Gorffennaf 2006)
• Dan y Cownter (Awst 2005)
• Gigs, Chips a 'Trip' Mewn Tacsi! (Awst 2004)
• New Welsh Talent 2003 - Music Week Magazine (Awst 2003)
• A Step In The Left Direction (Awst 2001, Boobytrap)

Cysylltiadau

• jakokoyak.com - gwefan swyddogol
• BBC Minisite
• myspace.com/jakokoyak