Ieithoedd y Traeth Ifori
 Map ieithyddol o'r Traeth Ifori, gydag ieithoedd Kru yn wyrdd, ieithoedd Mande yn felyn, ieithoedd Gur yn borffor, ac ieithoedd Akan yn las.[1] | |
| Enghraifft o'r canlynol | languages of a country  |
|---|---|
| Gwladwriaeth | Y Traeth Ifori |
 Ffeiliau perthnasol ar Gomin Wicimedia | |
Gwlad amlieithog yw'r Traeth Ifori, gyda thua 78 o ieithoedd brodorol.[2] Iaith swyddogol y wlad ydy Ffrangeg, iaith yr hen bŵer ymerodrol, ac mae rhyw draean o'r boblogaeth yn rhugl ynddi.[3] Mae'r Traeth Ifori yn aelod o Organisation international de la Francophonie, sefydliad rhyngwladol y byd Ffrangeg.
Mae'r nifer fwyaf o ieithoedd y wlad yn perthyn i un o dri is-grŵp o'r teulu Niger-Congo: Kwa yn y de, Mande yn y gogledd-orllewin, a Gur yn y gogledd-ddwyrain. Siaredir iaith fasnach o'r enw Dyula-Taboussi, neu Dioula, sy'n debyg i'r iaith Mande Bambara, gan fasnachwyr Mwslimaidd. Yn Abidjan, dinas fwyaf y wlad, siaredir bratiaith Ffrangeg o'r enw français de Moussa.
Nid oes ffurf genedlaethol na rhanbarthol ar iaith arwyddo. Mae pobl fyddar yn y Traeth Ifori yn defnyddio Iaith Arwyddion America (ASL), a gyflwynwyd i Orllewin Affrica gan y cennad Americanaidd Andrew Foster. Fodd bynnag, mae iaith arwyddo leol ym mhentref Bouakako yn ne'r wlad, a chanddi siaradwyr clyw yn ogystal â'r rhai sy'n fyddar.[4]
Cyfeiriadau[golygu | golygu cod]
- ↑ Clem E, Jenks P, Sande H (2019). Clem E, Jenks P, Sande H (gol.). Theory and description in African Linguistics (pdf). Berlin: Language Science Press. doi:10.5281/zenodo.3365789. ISBN 978-3-96110-205-1.
- ↑ Lewis, M. Paul (ed.), 2009. Ethnologue: Languages of the World, Sixteenth edition. Dallas, Tex.: SIL International. (Page on "Languages of Côte d’Ivoire." This page indicates that one of the 79 no longer has any speakers.)
- ↑ https://www.outils-odsef-fss.ulaval.ca/francoscope/
- ↑ Angoua Jean-Jacques Tano, Etude d'une langue des signes émergente de Côte d'Ivoire: l'exemple de la Langue des Signes de Bouakako (LaSiBo) (Prifysgol Leiden, 2016).