ISRO

Oddi ar Wicipedia
Neidio i: llywio, chwilio

Cafodd y Sefydliad Ymchwil Gofod Indiaidd (Saesneg: Indian Space Research Organisation; ISRO) ei greu ym 1969. Mae'r sefydliad yn gyfrifol am ddatblygu technoleg ofod yn India. Mae'i bencadlys yn Bangalore.

Hanes[golygu]

Lawnsiwyd y lloeren Indiaidd cyntaf, Aryabhata, ym 1975 ar roced Sofietaidd, ond erbyn 1980, roedd yr ISRO wedi ariannu roced brodorol, yr SLV (Cerbyd Lawnsio Lloeren; Satellite Launch Vehicle). Llwyddodd SLV i lawnsio lloeren yn llwyddiannus ar 18 Gorffennaf 1980. Olynydd yr SLV oedd yr ASLV (Advanced Satellite Launch Vehicle); ond doedd yr ASLV ddim yn ddibynadwy - roedd ddau o'i bedwar lawnsiadau yn fethiant. Erbyn hyn, fodd bynnag, mae'r ISRO wedi datblygu cyfres o rocedi sydd yn addas i lawnsio lloerennau cyfathrebu, ac wedi enill rhan o'r farchnad fasnachol, yn lawnsio lloerennau i wledydd eraill yn ogystal â chwmniau.

Fforio'r gofod[golygu]

Mae ISRO wedi mynegi diddordeb mewn fforio Cysawd yr Haul, ond hyd yn hyn, mae eu hymdrechion yn y cyfeiriad hwn wedi bod yn gymharol fodest. Roedd Chandrayaan-1 (lawnsiwyd 22 Hydref 2008) yn berwyl llwyddiannus i gylchdroi'r Lleuad, er nifer o namau technegol; anfonwyd chwiliedydd gofod bach o'r lloeren i wyneb y Lleuad yn Nhachwedd 2008. Lawnsiwyd chwiliedydd o'r enw Mars Orbiter Mission i fforio'r blaned Mawrth yn Nhachwedd 2013, ac mae cynllun ar y gweill i anfon chwiliedydd arall i'r blaned Gwener yn 2015.