Heddlu Metropolitan

Oddi ar Wicipedia
Jump to navigation Jump to search
Arwydd eiconig New Scotland Yard, pencadlys y Met

Y Gwasanaeth Heddlu Metropolitan (MPS), sy'n cael ei hadnabod yn anffurfiol fel yr Heddlu Metropolitan neu'r Met, [1] yw'r heddlu tiriogaethol sy'n gyfrifol am orfodi'r gyfraith yn Llundain Fwyaf, ac eithrio "milltir sgwâr" Dinas Llundain, sef cyfrifoldeb Heddlu Dinas Llundain. [2]

Mae gan y Met hefyd gyfrifoldebau cenedlaethol sylweddol, megis cydlynu ac arwain materion gwrthderfysgaeth genedlaethol ar draws y DU, a diogelu aelodau uwch y Teulu Brenhinol Prydeinig, a hefyd aelodau'r Cabinet ac aelodau gweinidogol eraill Llywodraeth San Steffan. [3]

O fis Medi 2017, roedd gan y Met 40,874 o staff llawn amser. Roedd hyn yn cynnwys 30,871 o swyddogion heddlu, 8,005 o staff yr heddlu, 1,384 o swyddogion cefnogi cymunedol yr heddlu a 614 o swyddogion dynodedig. Mae'r rhif hwn yn eithrio'r 2,470 o gwnstabliaid arbennig, sy'n gweithio'n wirfoddol yn rhan-amser (o leiaf 16 awr y mis) ac sydd â'r un pwerau a'r un wisg â'u cydweithwyr rheolaidd. Mae hyn yn golygu mae'r Heddlu Metropolitan, o ran niferoedd swyddogion, yw'r heddlu mwyaf yn y Deyrnas Unedig o bell ffordd, ac un o'r mwyaf yn y byd. O ran ei ardal heddlu (ardal ddaearyddol sylfaenol o gyfrifoldeb), gan adael ei gyfrifoldebau cenedlaethol o'r neilltu, mae gan yr Met yr 8fed ardal heddlu lleiaf o'r heddluoedd tiriogaethol yn y Deyrnas Unedig.

Arweinydd gweithredol cyffredinol yr heddlu yw'r Comisiynydd, y teitl ffurfiol yw Comisiynydd Heddlu'r Metropolis. Mae'r Comisiynydd yn atebol ac yn gyfrifol i'r Frenhines, y Swyddfa Gartref a Maer Llundain, trwy Swyddfa Plismona a Throsedd y Maer. Deiliaid cyntaf swydd y Comisiynydd oedd Syr Charles Rowan a Syr Richard Mayne a oedd yn gomisiynwyr ar y cyd. Ers Ebrill 2017 mae Cressida Dick yn dal y swydd.

Mae nifer o enwau a byrfoddau anffurfiol yn cael eu defnyddio ar gyfer y Gwasanaeth Heddlu Metropolitan, y mwyaf cyffredin yw'r Met. Yn Llundain mae'r Met yn aml yn draddodiadol yn cael ei alw The Old Bill (er bod yr enw, bellach, yn cael ei ddefnyddio yn cyffredin am unrhyw wasanaeth heddlu). Cyfeirir at y Met hefyd fel Scotland Yard ar ôl lleoliad ei bencadlys gwreiddiol mewn ffordd o'r enw Great Scotland Yard yn Whitehall. Pencadlys presennol y Met yw New Scotland Yard, a leolir ar y Victoria Embankment. [4]

Cyfeiriadau[golygu | golygu cod y dudalen]

  1. "Metropolitan Police Service – Homepage". Metropolitan Police. 2 April 2009. http://www.met.police.uk/. Adalwyd 6 May 2009.
  2. "Scotland Yard". Robinsonlibrary.com. 30 November 2009. http://www.robinsonlibrary.com/social/pathology/criminal/police/scotyard.htm. Adalwyd 2 June 2010.
  3. "MPA — Metropolitan Police dedicated to protecting the UK from terrorism". whitehallpages.net. Archifwyd o y gwreiddiol ar 24 July 2011. https://web.archive.org/web/20110724131809/http://www.whitehallpages.net/news/archive/6064. Adalwyd 22 July 2011.
  4. Douglas Browne (1956) The Rise of Scotland Yard: A History of the Metropolitan Police
Comin Wikimedia
Mae gan Gomin Wikimedia
gyfryngau sy'n berthnasol i: