Graham Norton

Graham Norton
Ffugenw	Graham Norton
Ganwyd	Graham William Walker  4 Ebrill 1963  Clondalkin
Man preswyl	Wapping, Dinas Efrog Newydd, Ahakista, Droichead na Bandan
Dinasyddiaeth	Gweriniaeth Iwerddon
Alma mater	Ysgol Ganolog Frenhinol Llefaru a Drama Coleg Prifysgol Cork Bandon Grammar School
Galwedigaeth	cyflwynydd teledu, digrifwr, cyflwynydd radio, newyddiadurwr, actor ffilm, colofnydd, bywgraffydd
Cyflogwr	BBC Channel 4
Adnabyddus am	The Graham Norton Show, So Graham Norton, V Graham Norton
Priod	Jono McLeod
Partner	Tina Burner
llofnod

Digrifwr, actor a chyflwynydd rhaglenni teledu o Iwerddon yw Graham William Walker (ganed 4 Ebrill 1963), sy'n fwy adnabyddus o dan ei enw llwyfan Graham Norton.

Daeth yn enwog fel cyflwynydd ar Channel 4 yn y Deyrnas Unedig, a hefyd o ganlyniad i'w rôl fel y Tad Noel Furlong yn y gyfres deledu adnabyddus Father Ted. Er iddo ymddangos mewn tair rhaglen yn unig, roedd ei bortread o Father Noel yn hynod boblogaidd gyda'r gwylwyr. Mae Norton yn agored fel dyn hoyw ac yn un o enwogion hoyw mwyaf poblogaidd Iwerddon. Roedd ganddo sioe siarad gyda'r nos ar Channel 4. Yn ddiweddarach symudodd i'r BBC i gyflwyno'r sioe siarad The Graham Norton Show.

Mae'n cyflwyno sioe ar BBC Radio 2 a fe hefyd yw sylwebydd Cystadleuaeth Cân Eurovision gan gymryd y swydd o Terry Wogan yn 2009.

Roedd Norton yn gyd-berchennog So Television, y cwmni sy'n cynhyrchu eu raglenni amrywiol. Yn 2012, gwerthodd Norton y cwmni i ITV am oddeutu £17 miliwn.