Dylan ar Daith

Rhaglen ffeithiol a ddarlledwyd ar S4C yw Dylan ar Daith. Yn y gyfres mae Dylan Iorwerth yn olrhain hanes pobl Cymru sydd wedi gwneud eu marc dramor.

Cynhyrchwyd y gyfres gan gwmni Unigryw o Aberystwyth - y cyfarwyddwr yw Catrin M S Davies a'r gweithredwr camera yw Aled Jenkins.^[1]

Penodau

Cyfres 1

Rhaglen	Teitl	Disgrifiad	Dyddiad darlledu'n gyntaf
1	O Bow Street i Bolifia	Dylan Iorwerth sy'n dilyn ôl troed Ifor Rees, diplomydd, ffotograffydd brwd, dringwr dygn, ac awdur llyfrau taith.	2015
2	O San Steffan i Tennessee	Dylan Iorwerth sy'n dilyn taith Y Gohebydd, John Griffith, radical a chyfathrebwr pwysig yn ei oes.	2015
3	O Fôn i Assam	Mae Dylan Iorwerth yn teithio i'r dwyrain i Delhi, Darjeeling ac Assam, lle'r aeth menyw ifanc o Borthaethwy, Helen Rowlands, yn genhades ym 1916.	2015
4	O Hirwaun i Iowa	Hanes menyw a oedd yn ddylanwadol iawn yn ei dydd ond sydd erbyn heddiw wedi mynd yn angof - Margaret Roberts.	2015
5	O Fryn y Briallu i Hawai'i	Y tro hwn bydd Dylan Iorwerth yn teithio i Lundain, Vancouver, Kauai a Hawai'i ar drywydd stori David Samwell, neu Dafydd Ddu Feddyg.	2015
6	O Lundain i'r Rockies	Hanes David Thompson a fapiodd afon Columbia yn ogystal â rhannau helaeth o gyfandir Gogledd America.	2015

Cyfres 2

Rhaglen	Teitl	Disgrifiad	Dyddiad darlledu'n gyntaf
1	O Benfro i Trinidad	Stori Thomas Picton, y milwr o Sir Benfro a ddaeth yn Llywodraethwr cyntaf ynys Trinidad.	17 Medi 2017
2	O'r Rhos i Morocco	Hanes menyw ifanc, Margaret Jones, y "Gymraes o Ganaan", a deithiodd i bum cyfandir ac a ddaeth yn enwog am ei llythyron a'i darlithoedd am wlad Canaan yn yr 1860au.	25 Medi 2017
3	O Drefeglwys i Sardinia	Dylan Iorwerth sy'n ymweld â phentre' bychan yn Yr Eidal, ar ynys Sardinia, ar gyfer agor amgueddfa i goffau Benjamin Piercy, un o beirianwyr rheilffyrdd cynnar Cymru a'r Eidal ac a gynlluniodd a chodi pont rheilffordd Y Bermo.	1 Hydref 2017
4	O Ystalyfera i Israel	Stori Lily Tobias o Ystalyfera, awdur ac ymgyrchydd oedd yn dyheu am diriogaeth i'w chenedl yr Iddewon.	8 Hydref 2017
5	O Ffaldybrenin i Tsieina	Stori Timothy Richard, y cenhadwr pwysicaf i fynd i Tsieina erioed, yn ôl rhai.	Hydref 2017
6	O Aberystwyth i'r Almaen	Mae rhaglen ola'r gyfres yn olrhain hanes Goronwy Rees - llenor, newyddiadurwr, milwr, academig ac efallai ysbïwr.	Hydref 2017

Cyfeiriadau

↑ Kirstie McCrum (10 Ionawr 2015). New S4C programme follows the path of Welsh journalist John Griffith all the way to Tennessee. Wales Online.

[1] Kirstie McCrum (10 Ionawr 2015). New S4C programme follows the path of Welsh journalist John Griffith all the way to Tennessee. Wales Online.

[1]