Dyfrig Wynn Jones

Dyfrig Wynn Jones
Ganwyd	Ionawr 1977  Bangor
Dinasyddiaeth	Cymru
Galwedigaeth	newyddiadurwr, darlithydd, golygydd

Darlithydd, golygydd, newyddiadurwr a chyfarwyddwr teledu o Gymru yw Dyfrig Wynn Jones (ganwyd Ionawr 1977).

Gwaith

Ym Medi 2008 fe'i penodwyd fel darlithydd mewn Astudiaethau'r Cyfryngau a Chynhyrchu i’r Cyfryngau yn yr Ysgol Astudiaethau Creadigol a’r Cyfryngau, Prifysgol Bangor. Erbyn hyn mae'n Uwch Darlithydd yn Astudiaethau'r Cyfryngau a Chynhyrchu yn Ysgol y Celfyddydau, Diwylliant a Iaith. Ei ddiddordebau ymchwil yw ffilmiau a rhaglenni dogfen, theori cynhyrchu, polisi'r cyfryngau, a chomics.

O fis Tachwedd 2006 i Fawrth 2009 ef oedd golygydd cylchgrawn Barn, a chyn hynny bu'n gweithio fel cynhyrchydd-gyfarwyddwr gyda Ffilmiau'r Bont sydd wedi'i leoli yng Nghaernarfon.

Roedd Dyfrig yn aelod o Bwyllgorau Cynnwys ac Archwilio a Rheoli Risg Awdurdod S4C. Roedd hefyd rhwng 2011 a 2013, yn un o gyfarwyddwyr Awdurdod S4C (a'r canlynol: S4C Digital Media Ltd, S4C Masnachol Cyf, S4C Rhyngwladol Cyf ac S4C2 Cyf).

Gwleidyddiaeth

Cafodd ei ethol fel cynghorydd Plaid Cymru ar Gyngor Gwynedd yn 2008. Roedd yn cynrychioli ward Gerlan ond ni gystadlodd yn etholiadau Mai 2017.

Dolenni allanol

• Dyfrig Wynn Jones ar X
• Blog Answyddogol - blog personol Dyfrig Jones

Eginyn erthygl sydd uchod am un o Gymru. Gallwch helpu Wicipedia drwy ychwanegu ato.