Daniela Dahn

Oddi ar Wicipedia
Jump to navigation Jump to search
Daniela Dahn
Stefan-Heym-Lesung (8261144606).jpg
Ganwyd 9 Hydref 1949 Edit this on Wikidata
Berlin Edit this on Wikidata
Dinasyddiaeth Baner Yr Almaen Yr Almaen
Galwedigaeth gwleidydd, newyddiadurwr, awdur ffeithiol, ysgrifennwr, awdur ysgrifau Edit this on Wikidata
Plaid Wleidyddol Democratiaeth yn Deffro Edit this on Wikidata
Gwobr/au Gwobr Kurt-Tucholsky, Gwobr Ludwig-Börne Edit this on Wikidata

Awdures o'r Almaen yw Daniela Dahn (ganwyd 9 Hydref 1949) sy'n cael ei hystyried yn nodigedig am ei gwaith fel gwleidydd a newyddiadurwr. Bu'n aelod ac yn un o sefydlwyr y blaid 'Democratiaeth yn Deffro' (Almaeneg: Demokratischer Aufbruch).

Fe'i ganed ym Merlin ar 9 Hydref 1949. [1]

Ers ailuno'r Almaen ym 1990, mae Dahn wedi bod yn feirniad di-flewyn-ar-dafod o'r broses ailuno. Mae ei steil hynod bersonol o ysgrifennu, a'i barn wleidyddol gref, wedi ysgogi sawl dadl yn yr Almaen, ond mae Dahn, a oedd yn ystyried ei hun yn ddinesydd o Ddwrain yr Almaen (neu'r "GDR") cyn 1989, yn dadlau dros newyddiaduraeth feirniadol sy'n parhau â'r traddodiad democrataidd o herio'r llywodraeth a pholisïau aduno'r Almaen.[2]

Magwraeth[golygu | golygu cod y dudalen]

Mae Dahn yn ferch i'r newyddiadurwr Karl-Heinz Gerstner a'r newyddiadurwr ffasiwn Sibylle Gerstner, sylfaenydd cylchgrawn ffasiwn Dwyrain yr Almaen "Sibyl", a chwaer hŷn Sonja Gerstner, a oedd yn enwog am ei salwch meddwl ei hun a'r driniaeth a gafodd. Magwyd Dahn yn Kleinmachnow, Brandenburg yn Nwyrain yr Almaen.

Astudiodd Daniela Dahn newyddiaduraeth yn Leipzig ac yna bu'n gweithio fel newyddiadurwr teledu, yn golygu teledu GDR, cyn troi at ysgrifennu ar ei liwt ei hun ym 1981. Yn 1989 daeth Dahn yn un o sylfaenwyr y grŵp gwrthbleidiol GDR 'Democratiaeth yn Deffro' (Demokratischer Aufbruch), ond torrodd yn rhydd o'r grŵp yn ddiweddarach. [3]

Mae Dahn yn gwasanaethu ar Fwrdd Gweithredol cymdeithas yr awduron PEN ac mae'n darlithio'n rhyngwladol. Mae hi hefyd ar Fwrdd Cynghori'r Undeb Dyneiddwyr, ac mae wedi bod Awdur Preswyl Prifysgol Sunderland yn Lloegr. Yn ogystal, mae Dahn yn gyd-olygydd y papur newydd wythnosol der Fritag. Roedd ei gŵr Jochen Laabs rhwng 1999 a 2001 yn Is-Lywydd Canolfan PEN yn yr Almaen.[4]

Ynghyd â Christa Wolf, y mae hi wedi cydweithio â hi yn y gorffennol, ystyriwyd bod Dahn yn ddewis posibl gan Die Linke fel ymgeisydd ar gyfer Arlywyddiaeth yr Almaen yn etholiad arlywyddol 2009, ond dewiswyd Peter Sodann.[5]

Anrhydeddau[golygu | golygu cod y dudalen]

  • Dros y blynyddoedd, derbyniodd nifer o anrhydeddau, gan gynnwys: Gwobr Kurt-Tucholsky (1999), Gwobr Ludwig-Börne (2004)[6]


Cyfeiriadau[golygu | golygu cod y dudalen]

  1. Rhyw: Deutsche Nationalbibliothek; Berlin State Library; Bavarian State Library; Austrian National Library, https://www.dnb.de/EN/Home/home_node.html Gemeinsame Normdatei, https://www.dnb.de/gnd, https://www.dnb.de/EN/Home/home_node.html, adalwyd 26 Ebrill 2014Wikidata Q36578
  2. Rado Pribić, The trouble with German unification: essays on Daniela Dahn, NoRa-Novitäten & Raritäten, 2008,
  3. Anrhydeddau: https://tucholsky-gesellschaft.de/kurt-tucholsky-preis/preistraeger/.
  4. "Daniela Dahn "The Fall of the Wall and the End of the GDR – Twenty Years After". Cyrchwyd 23 February 2010. [dolen marw]
  5. "Die Linke will Christa Wolf als Bundespräsidentin". https://www.welt.de/politik/article2104729/Die_Linke_will_Christa_Wolf_als_Bundespraesidentin.html. (German)
  6. https://tucholsky-gesellschaft.de/kurt-tucholsky-preis/preistraeger/.