Corfflu'r Ysgol Fân-Arfau

Oddi ar Wicipedia
Jump to navigation Jump to search
Bathodyn cap y Corfflu

Corfflu yn y Fyddin Brydeinig yw Corfflu'r Ysgol Fân-Arfau (Saesneg: Small Arms School Corps) sy'n yn gyfrifol am hyfforddi hyfforddwyr mân-arfau, paratoi cyrsiau, dewis rheolwyr meysydd tanio, profi drylliau newydd, a chynghori swyddogion y staff ar sgiliau arfau. Mae 1 ym mhob 5 o aelodau'r Corfflu yn swyddogion, a ddyrchafir o fewn yr uned.[1]

Hanes[golygu | golygu cod y dudalen]

Crewyd yr Ysgol Saethyddiaeth (Saesneg: School of Musketry) ym 1854, a'i ailenwyd yn yr Ysgol Fân-Arfau ym 1919. Daeth y ddwy ysgol yn Gorfflu'r Ysgolion Mân-Arfau a Gynnau Peiriant ym 1923. Cyfunwyd y ddwy ysgol ym 1929 gan greu Corfflu'r Ysgol Fân-Arfau.[2] Symudodd pencadlys y Corfflu o Hythe, Caint, i Ysgol y Troedfilwyr yn Warminster, Wiltshire, ym 1969.[1]

Gwisg[golygu | golygu cod y dudalen]

Glas gyda pheipio a ffesin glas Caergrawnt yw gwisg y Corfflu.[2] Mae'r bathodyn cap yn dangos dwy reiffl Lee-Enfield wedi eu croesi dros wn peiriant Vickers, gyda'r goron uwchben, i gyd o fewn torch lawryf wedi ei addurno gyda sgrôl â'r teitl.[1]

Cerddoriaeth[golygu | golygu cod y dudalen]

"March of the Bowmen" yw ymdeithgan y Corfflu.[1]

Traddodiadau[golygu | golygu cod y dudalen]

Dethlir Diwrnod y Corfflu ar 19 Medi pob blwyddyn i nodi agor yr Ysgol Saethyddiaeth yn Hythe, Caint, ar y dyddiad hwn ym 1854.[1]

Cyfeiriadau[golygu | golygu cod y dudalen]

  1. 1.0 1.1 1.2 1.3 1.4 Griffin, P. D. Encyclopedia of Modern British Army Regiments (Thrupp, Sutton, 2006), t. 169.
  2. 2.0 2.1 Chant, Christopher. The Handbook of British Regiments (Llundain, Routledge, 1988), t. 286.

Dolen allanol[golygu | golygu cod y dudalen]