Constantius II

Oddi ar Wicipedia
Jump to navigation Jump to search
Constantius II
Bust of Constantius II (Mary Harrsch).jpg
Ganwyd 7 Awst 0317, 13 Awst 0317 Edit this on Wikidata
Sirmium Edit this on Wikidata
Bu farw 3 Tachwedd 0361 Edit this on Wikidata (44 oed)
Achos: Y dwymyn Edit this on Wikidata
Cilicia Edit this on Wikidata
Dinasyddiaeth Rhufain hynafol, Yr Ymerodraeth Fysantaidd Edit this on Wikidata
Galwedigaeth Gwleidydd Edit this on Wikidata
Swydd Roman emperor, Ancient Roman senator, Byzantine emperor Edit this on Wikidata
Tad Cystennin I Edit this on Wikidata
Mam Fausta Edit this on Wikidata
Priod Faustina, Daughter of Julius Constantius, Eusebia Edit this on Wikidata
Plant Flavia Maxima Constantia Edit this on Wikidata
Llinach Constantinian dynasty Edit this on Wikidata

Flavius Julius Constantius, mwy adnabyddus fel Constantius II (7 Awst 3173 Tachwedd 361), oedd ymerawdwr Rhufain o 337 hyd ei farwolaeth.

Roedd Constantius yn drydydd mab Cystennin I a’i wraig Fausta. Ganed ef yn Illyricum (Hwngari heddiw) a cyhoeddwyd ef yn “Gesar” (is-ymerawdwr). Pan fu farw ei dad yn 337, llwyddodd i gael gwared o holl ddisgynyddion Constantius Chlorus o’i ail wraig Theodora, gan ei adael ef ei hun a’i frodyr Cystennin II a Constans, disgynyddion .gwraig gyntaf Constantius Chlorus, Helena. Rhannwyd yr ymerodraeth rhyngddynt, gyda Constantius yn cael Caergystennin a dwyrain yr ymerodraeth. Cymerodd Constantius ran yn nadleuon diwinyddol y cyfnod, gan gefnogi Ariaeth.

Yn 340 lladdwyd Cystennin II wrth ymosod ar Constans yn yr Eidal, gan adael Constans yn feistr rhan orllewinol yr ymerodraeth. Yn 350 lladdwyd Constans mewn brwydr yn erbyn Magnentius oedd yn ceisio hawlio’r ymerodraeth. Enwodd Constantius ei gefnder Gallus fel “Cesar”, ac yn 351 llwyddasant i orchfygu Magnentius ym mrwydr Mursa Major, un o frwydrau mwyaf gwaedlyd Rhufain. Lladdodd Magnentius ei hun yn 353, a chan nad oedd angen Gallus bellach, trefnodd Constantius i’w ladd yn fuan wedyn.

Penododd Constantius yn unig aelod gwrywaidd o’r teulu oedd yn dal yn fyw, Julian, fel Cesar, a rhoddodd ei chwaer Helena yn wraig iddo. Fodd bynnag, gwrthryfelodd Julian a chyhoeddwyd ef yn Augustus gan ei filwyr. Roedd byddinoedd y ddau yn bur gyfartal, ond ar 3 Tachwedd 361 bu Constantius farw o dwymyn gerllaw Tarsus, gan adael Julian yn ymerawdwr.

O'i flaen :
Cystennin I
Ymerodron Rhufain
Constantius II

gyda Cystennin II a Constans
(am gyfnod).
Olynydd :
Julian