Cameron Mackintosh
| Cameron Mackintosh | |
|---|---|
 | |
| Ganwyd | 17 Hydref 1946  Enfield |
| Dinasyddiaeth | y Deyrnas Unedig |
| Alma mater |
|
| Galwedigaeth | cynhyrchydd theatrig, impresario, cynhyrchydd recordiau |
| Adnabyddus am | Cats |
| Gwobr/au | Marchog Faglor |
| Gwefan | http://www.cameronmackintosh.com/ |
Mae Syr Cameron Anthony Mackintosh (ganed 17 Hydref 1946) yn gynhyrchydd theatrig nodedig o Loegr. Mae'n fwyaf adnabyddus am ei waith gyda nifer o sioeau cerdd llwyddiannus. Cafodd ei ddisgrifio gan y New York Times fel "y cynhyrchydd theatrig mwyaf llwyddiannus, dylanwadol a phŵerus yn y byd".[1]
Bywyd personol
[golygu | golygu cod]Cafodd ei eni yn Enfield, Llundain gyda'i dad o'r Alban a'i fam o Malta. Cafodd Mackintosh ei fagu yn ffydd Babyddol ei fam. Derbyniodd ei addysg yng Ngholeg Prior Park yng Nghaerfaddon. Mae ei frawd iau, Robert Mackintosh, yn gynhyrchydd hefyd.
Gwyddai ei fod eisiau bod yn gynhyrchydd theatrig ar ôl i'w fodryb fynd ag ef i weld sioe prynhawn o sioe gerdd Julian Slade, "Salad Days" pan oedd yn wyth oed.
Cafodd ei urddo'n farchog yn Rhestr Anrhydeddau'r Flwyddyn Newydd ym 1996, am ei wasanaeth i theatr gerdd.
Ei bartner yw'r ffotograffydd theatraidd Awstralaidd Michael Le Poer Trench. Yn 2006, enwyd Mackintosh fel y 4ydd dyn hoyw agored mwyaf dylanwadol ar Restr Binc "The Independent on Sunday" o'r holl ddynion a menywod hoyw.[2] Cafodd ei roi ar rif 4 yn 2005 hefyd. Mae ef hefyd yn Llywydd "The Food Chain", elusen HIV sydd wedi ei leoli yn Llundain.
Cyfeiriadau
[golygu | golygu cod]- ↑ "The Musical is Money to His Ears" [1] New York Times. Adalwyd 16-06-2009
- ↑ Gay Power: The pink list Archifwyd 2020-09-05 yn y Peiriant Wayback The Independent on Sunday. Adalwyd 16-06-2009
Dolenni allanol
[golygu | golygu cod]- The Sundowe, Sioe gerdd Albanaidd newydd sy'n cael ei chynhyrchu gan Cameron Mackintosh mewn cyd-weithrediad â Theatr Eden Court Theatre a'r Executive Albanaidd
- Gwefan swyddogol Cameron Mackintosh
- Gwefan swyddogol Delfont Mackintosh