Brwydr Formigny

Oddi ar Wicipedia
Brwydr Formigny
Delwedd:Formigny.jpg, Vigiles du roi Charles VII 32.jpg
Enghraifft o'r canlynolbrwydr Edit this on Wikidata
Dyddiad15 Ebrill 1450 Edit this on Wikidata
Rhan oy Rhyfel Can Mlynedd Edit this on Wikidata
LleoliadFormigny Edit this on Wikidata
Map
GwladwriaethFfrainc Edit this on Wikidata
Tudalen Comin Ffeiliau perthnasol ar Gomin Wicimedia
Brwydr Formigny gan Martial d'Auvergne

Un o frwydrau'r Rhyfel Can Mlynedd rhwng Ffrainc a Lloegr oedd Brwydr Formigny, a ymladdwyd ar 15 Ebrill 1450 gerllaw Formigny yn Normandi.

Roedd byddin Seisnig o tua 2,000 dan Syr Thomas Kyriell wedi cyrraedd Ffrainc yn 1449, ac yn ddiweddarach wedi eu hatgyfnerthu gan 2,000 arall o wŷr dan Syr Mathau Goch. Gerllaw Formigny, daeth byddin Ffrengig o tua 5,000 i'w cyfarfod. Roedd tua dwy ran o dair o'r fyddin Seisnig yn saethwyr y bwa hir, tra defnyddiodd y Ffrancwyr ychydig o fagnelau, y tro cyntaf iddynt gael eu defnyddio mewn bwydr yn y rhyfel hwn. Cafodd y Ffrancwyr fuddugoliaeth wedi i garfan o farchogion Llydewig dan Arthur de Richemont gyrraedd y maes ac ymosod ar y Saeson o'r ystlys. Lladdwyd tua 2,500 o Saeson, a chymerwyd 900 yn garcharorion, yn ei plith Thomas Kyriell. Llwyddodd Mathau Goch a 1500 o farchogion i dorri trwy rengoedd y Ffrancod a dianc, ond daliwyd ei gyfaill William Herbert ac eraill.