Blodau mewn fâs

Oddi ar Wicipedia
Neidio i: llywio, chwilio
"Ffiol o Flodau" ("Vase of Flowers") gan Gwen John; paentiad olew; Llyfrgell Genedlaethol Cymru.

Darlun olew gan yr arlunydd Gwen John (1876–1939) ydy'r Ffiol o Flodau. Er nad oes dyddiad ar y paentiad, gwyddom iddo gael ei baentio yn gynnar yng nghanrif 20. Rhoddwyd y darlun yn rhodd i Lyfrgell Genedlaethol Cymru gan Gymdeithas Celfyddydau Cyfoes Cymru (Contemporary Art Society of Wales (CASW)) yn 1957.

Ffiol llawn o flodau pinc a gwyn, gyda pheth dail gwyrdd, ar fwrdd pren sydd yn y paentiad hwn, gwelir fod rhai o'r petalau wedi syrthio ar y bwrdd. Ceir lliain binc wedi'i gosod dros fwrdd arall yng nghefndir y llun. Y cyfrwng a ddefnyddiwyd yw paent olew a hynny ar bren, gyda brwsh impasto. Efallai i'r llun gael ei greu mewn ystafell yn ei chartref.

Ym marn Cecily Langdale, a sgwennodd fywgraffiad o Gwen, mae'r llun yn perthyn i ddiwedd y 1910au.[1] Ceir paentiad eitha tebyg gan Gwen o'r enw "Blodau", sydd i'w weld heddiw yng Ngaleri Celf Manceinion.

Disgrifiodd y beirniad celf Mary Taubman y llun fel "classical and conceptual image and has the appearance of being a considered and reflective development on the original."[2]

Europeana 280[golygu | golygu cod y dudalen]

Yn Ebrill 2016 dewisiwyd y darlun fel un o ddeg llun eiconig i gynrychioli Cymru yn y prosiect 'Gwaith Celf Europeana'.[3]

Cyfeiriadau[golygu | golygu cod y dudalen]

  1. Langdale, Cecily (1987). Gwen John. New Haven and London: Yale University Press. tud. 153. ISBN 0-300-03868-2.
  2. Taubman, Mary (1985). Gwen John. Cornell University Press. 
  3. "Europeana 280 Blog". http://pro.europeana.eu/pressrelease/europeana-280-art-from-the-28-countries-of-europe.