Beibl Gutenberg

Oddi ar Wicipedia
Beibl Gutenberg
Enghraifft o'r canlynolfersiwn, rhifyn neu gyfieithiad, editio princeps Edit this on Wikidata
Mathincwnabwlwm Edit this on Wikidata
IaithLladin Edit this on Wikidata
Dyddiad cyhoeddi1450s Edit this on Wikidata
Lleoliad cyhoeddiMainz Edit this on Wikidata
Statws hawlfraintparth cyhoeddus Edit this on Wikidata
Tudalen Comin Ffeiliau perthnasol ar Gomin Wicimedia
Tudalen o Feibl Gutenberg (cyfrol 1, ffolio 147r), yn dangos dechrau Ail Lyfr Samuel (Prifysgol Rhydychen, Llyfrgell Bodley, Arch. B b. 10). Ychwanegwyd â llaw y llythyr F mawr a'r holl fanylion lliw ar ôl argraffu'r dudalen.

Y llyfr cyntaf a argraffwyd yn Ewrop gan ddefnyddio teip symudol oedd Beibl Gutenberg neu Beibl 42-llinell neu Beibl Mazarin. Fel arfer fe'i enwir ar ôl ei argraffydd, Johannes Gutenberg. Weithiau fe'i enwir ar ôl nifer y llinellau ar bob tudalen (felly "Beibl 42-llinell"), ac weithiau fe'i enwir ar ôl llyfrgell Cardinal Mazarin ym Mharis, oherwydd dyna oedd lleoliad y copi cyntaf i'w ddisgrifio gan lyfrgraffwyr (felly "Beibl Mazarin").

Mae'n argraffiad mewn tair cyfrol o'r testun Lladin y Fwlgat. Gwnaethpwyd y gwaith yng ngweithdy Gutenberg yn Mainz, yr Almaen, a chafodd ei orffen tua 1455. Nid yw'n hysbys faint o gopïau a argraffwyd, ond mae ysgolheigion heddiw yn awgrymu bod rhwng 160 a 185 – tua tri chwarter ar bapur a'r gweddill ar femrwn.

Mae tudalennau'r llyfr yn debyg iawn i'r Beiblau llawysgrif o'r dydd; yn arbennig mae defnydd helaeth o fyrfoddau a chwtogiadau er mwyn cadw'r llinellau yn fyr, gydag ochrau'r colofnau yn gyfochrog. Mewn gwirionedd, roedd yn rhaid i oleuwyr proffesiynol gwblhau'r tudalennau trwy ychwanegu â llaw blaenlythrennau oliwiedig a goliwiadau eraill.

Dolen allanol[golygu | golygu cod]