Beca Brown
| Beca Brown | |
|---|---|
| Dinasyddiaeth |  Cymru |
| Galwedigaeth | ysgrifennwr, cyfarwyddwr teledu, cynhyrchydd teledu, golygydd  |
Awdur a chyfarwyddwr o Gymraes yw Beca Brown. Mae wedi gweithio fel newyddiadurwr ac ym myd teledu fel cyfarwyddwr a cynhyrchydd.[1]
Bywyd cynnar ac addysg[golygu | golygu cod]
Fe'i ganwyd i rieni o Loegr a symudodd i Gymru. Roedd ei mam yn dod o Birmingham a'u thad o Swydd Derby. Cafodd addysg Gymraeg ers mynychu Ysgol Feithrin yn Nyffryn Ardudwy. Er hynny, Saesneg oedd iaith yr aelwyd nes i'w rhieni dechrau ddysgu Cymraeg. Erbyn ei arddegau symudodd y teulu o Ardudwy i ardal Caernarfon, a mynychodd Ysgol Syr Huw Owen. Penderfynodd ei rhieni ddechrau siarad Cymraeg adref pan oedd tua 13 mlwydd oed, er fod hynny yn teimlo'n chwithig iddi.[2]
Aeth i Brifysgol Caerdydd gan raddio gyda BA er Anrhydedd yn y Gymraeg.
Gyrfa[golygu | golygu cod]
Cychwynnodd fel newyddiadurwr yn 1994 gan ysgrifennu erthyglau nodwedd i'r Western Mail. Ymunodd ag ITV Cymru yn 1997 gan weithio fel newyddiadurwr ar y rhaglen materion cyfoes Y Byd ar Bedwar. Symudodd i gwmni cynhyrchu Fflic yn 1999 gan gyfarwyddo rhaglenni ar gyfer S4C a'r BBC. Aeth ymlaen i fod yn gynhyrchydd teledu gyda Cwmni Da rhwng 2012 a 2017. Rhwng Ebrill 2017 a Medi 2018 roedd yn Olygydd llyfrau Cymraeg gyda Gwasg Gomer.[3]
Ers 2018 mae wedi bod yn gweithio gyda gwefan SaySomethinginWelsh fel awdur ac yna golygydd cynnwys.[4]
Llyfryddiaeth[golygu | golygu cod]
- Corcyn Heddwch (Gwasg Carreg Gwalch, 2005)[5]
- Blwyddyn Fawr Glyn Wise (Gwasg Carreg Gwalch, 2007)
- Cyfres Amdani: Gwers Mewn Cariad (Gwasg Gomer, Medi 2018)
Cyfeiriadau[golygu | golygu cod]
- ↑ Beca Brown. BBC Cymru (2007). Adalwyd ar 13 Hydref 2020.
- ↑ ‘Newidiodd iaith y teulu dros nos’ , BBC Cymru Fyw, 12 Hydref 2020.
- ↑ Gwasg Gomer yn “hollol dawel” eu meddwl. Golwg360 (21 Gorffennaf 2017).
- ↑ (Saesneg) LinkedIn - Beca Brown.
- ↑ Gwefan Gwales; adalwyd 8 Chwefror 2015