Barwniaeth Aberdâr

Barwniaeth Aberdâr

Enghraifft o'r canlynol	teitl bonheddig
Ffeiliau perthnasol ar Gomin Wicimedia

Arfbais Barwniaeth Aberdâr

Mae Barwn Aberdâr, o'r Dyffryn yn Sir Forgannwg, (en: Baron Aberdare of Duffryn) yn deitl ym Mhendefigaeth y Deyrnas Unedig.

Cefndir

Crëwyd y farwniaeth ar 23 Awst, 1873 ar gyfer y gwleidydd Rhyddfrydol Henry Austin Bruce. Gwasanaethodd fel Ysgrifennydd Cartref o 1868 i 1873. Roedd ei ŵyr, y trydydd Barwn, yn filwr, yn chwaraewr criced a thenis ac yn aelod o'r Pwyllgor Olympaidd Rhyngwladol. Bu'r pedwerydd barwn yn gwasanaethu yng ngweinyddiaeth Geidwadol Edward Heath ac roedd yn ddiweddarach yn Ddirprwy Lefarydd Tŷ'r Arglwyddi. Roedd pedwerydd Arglwydd Aberdâr yn un o'r 92 arglwydd etifeddol a gafodd eu hethol gan eu cyd-arglwyddi i barhau'n aelodau o Dŷ'r Arglwyddi wedi pasio Deddf Tŷ'r Arglwyddi ym 1999. Mae'r deiliad presennol, y pumed barwn, a olynodd ei dad yn 2005 wedi bod yn aelod a etholwyd i eistedd yn y Tŷ ers 2009.

Arfbais

Croesymgroes (saltire) coch (gules) ar gefndir aur (or) o dan bennawd (chief) o wennol herodrol (martlet) aur mewn cae coch.

Arwyddair: Uwchben y crib Fuimus (Lladin; buon ni), islaw'r crib Ofner Na Ofne Angau (mewn Cymraeg cyfoes: Ofna'r un nad yw'n ofni angau)

Deiliaid

• Henry Austin Bruce, Barwn 1af Aberdâr (1815-1895) barwn 1873-1895
• Henry Campbell Bruce, 2il Farwn Aberdâr (1851-1914) barwn 1895-1914
• Clarence Napier Bruce, 3ydd Barwn Aberdâr (1885-1957) barwn 1914-1957
• Morys George Lyndhurst Bruce, 4ydd Barwn Aberdâr (1919-2005) barwn 1957 - 2005
• Alastair John Lyndhurst Bruce, 5ed Barwn Aberdâr (g. 1947) deiliad ers 2005

Yr etifedd tybiedig yw mab y deiliad presennol yr Anrhydeddus Hector Morys Napier Bruce (g. 1974)

• 
  Barwn 1af Aberdâr
• 2il Farwn Aberdâr
  2il Farwn Aberdâr
• 3ydd Barwn Aberdâr
  3ydd Barwn Aberdâr