Barry Hoban
.jpg) | |
| Dyddiad geni | 5 Chwefror 1940 |
|---|---|
| Manylion timau | |
| Disgyblaeth | Ffordd |
| Rôl | Reidiwr |
|
Golygwyd ddiwethaf ar 5 Hydref 2007 | |
Seiclwr ffordd Seisnig oedd Barry Hoban (ganwyd 5 Chwefror 1940, Wakefield, Gorllewin Swydd Efrog). Bu'n rasio yn yr 1960au a'r 1970au, ac mae'n dal recordiau am y nifer fwyaf o fuddugoliaethau mewn cymalau o'r Tour de France gan seiclwr Prydeinig, gan ennill wyth rhwng 1967 a 1975, ac am y nifer fwyaf o'r Tour a gyflawnwyd gan seiclwr Prydeinig, gan orffen 11 o'r 12 a ddechreuodd rhwng 1965 ac 1978. Ef hefyd, yw'r unig Brydeinwr i ennill dau gymal canlynol o'r Tour.
Gyrfa Cynnar[golygu | golygu cod y dudalen]
Dechreuodd Hoban rasio yn 1955, ac erbyn diwedd y flwyddyn roedd yn cystadlu yn erbyn Tom Simpson mewn Treialon Amser. Dwy flynedd yn ddiweddarach, daeth yn bedwerydd ym mhencampwriaeth dringo allt y British League of Racing Cyclists. Er i'w ddringo fod yn gryfder iddo yn gynnar yn ei yrfa, ei sbrintio oedd iw sefydlu fel un o sbrintwyr gorau Ewrop.
Cafodd Hoban ei ysbrydoli gan lwyddiant Ewropeaidd ei gyd-Efrogwyr, Brian Robinson a Tom Simpson, aeth i Ffrainc yn 1962, trodd yn broffesiynol dyflwydd yn ddiweddarach ac arhosodd dramor am 16 mlynedd arall.
Buddugoliaethau mewn Cymalau'r Tour de France[golygu | golygu cod y dudalen]
- 1967 - Carpentras–Sète (cymal 14) – gadawyd iddo ennill ar ôl marwolaeth Tom Simpson ar y cymal cynt
- 1968 - Grenoble–Sallanches – buddugoliaeth anarferol gan enillodd Hoban gymal y mynyddoedd nid sbrint
- 1969 - Mourenx–Bordeaux
- 1969 - Bordeaux-Brive-la-Gaillarde – gan ddod y cyntaf a'r unig Brydeinwr i ennill dau gymal canlynol o'r Tour
- 1973 – Montpellier-Argelès-sur-Mer
- 1973 - Bourges–Versaille
- 1974 - Avignon–Montpellier
- 1975 - Angoulême-Bordeaux
Buddugoiaethau Eraill Nodweddiadol[golygu | golygu cod y dudalen]
Enillodd Hoban bedwar cymal o'r Vuelta a España yn 1964 a enillodd y Gent-Wevelgem yn 1974. Yng nghlasuron y ffordd, ei ganlyniad orau oedd trydydd yn y Liège-Bastogne-Liège 1969 a Paris-Roubaix 1972. Gwariodd y rhanfwyaf o'i amser tuag at ddiwedd ei yrfa yn nhir mawr Ewrop, dychwelodd i Brydain i gystadlu ar adegau gan ennill ras Llundain-Bradford a dod yn ail ym Mhencampwriaethau Cenedlaethol Ras Ffordd Proffesiynol Prydain yn 1979, enillodd hefyd Grand Prix Manceinion yn 1980.
Gwneuthurwyd o leiaf un beic gyda enw Hoban arni.
