Band y Cory

Oddi ar Wicipedia
Jump to navigation Jump to search

Band pres o Treorci yn y Rhondda yw Band y Cory. Yn 2016 daeth Cory y band cyntaf yn hanes i ennill Pencampwriaeth Ewrop, Pencampwriaeth Ynysoedd Prydain, Pencampwriaeth Agored Ynysoedd Prydain a chystadleuaeth Brass in Concert yn yr un flwyddyn ac ym mis Ionawr 2017 roedd y band yn dathlu bod yn rhif un ar restr detholion y byd am y 10fed blwyddyn yn olynol.[1]

Hanes[golygu | golygu cod y dudalen]

Ffurfiwyd y band ym 1884 o dan yr enw Ton Temperance Band ond yn dilyn nawdd gan Sir Clifford Cory, perchennog pwll glo lleol, fyddai'n caniatau'r band i gyflogi arweinydd llawn amser, cafodd y band eu hail enwi y Cory Workmen's Band ym 1895.[2]

Ym 1920 llwyddodd y band i sicrhau eu statws fel Band Pencampwriaeth a chystadlu ym Mhencampwriaeth Bandiau Pres Ynysoedd Prydain am y tro cyntaf ym 1924.[2][3]

Ym 1976 cafodd Cory y fraint o gael eu dewis i gynrychioli Cymru ar daith o Unol Daleithiau America er mwyn dathlu dau gan mlwyddiant y wlad.

Am resymau nawdd, cafodd y band eu hadnabod fel Just Rentals Cory ym 1988 ac yna wedi i'r cwmni newid eu henw ym 1998, newidiwyd enw'r band i Buy As You View Cory cyn dychwelyd i'r enw Band y Cory yn 2007[2].

Anrhydeddau[golygu | golygu cod y dudalen]

Llwyddodd Cory i ennill Pencampwriaeth Bandiau Pres Cymru am y tro cyntaf ym 1949[4] ond bu rhaid disgwyl tan 1974 cyn cipio Pencampwriaeth Bandiau Pres Ynysoedd Prydain am y tro cyntaf.[5]

Ym 1980 daeth y cyntaf o'u llwyddianau ym Mhencampwriaeth Bandiau Pres Ewrop[6] wrth i'r band sefydlu eu lle fel un o prif fandiau pres y byd.

Yn 2016 llwyddodd Cory i ennill y Gamp Lawn o prif bencampwriaethau'r byd bandiau pres, sef Pencampwriaeth Ewrop, Pencampwriaeth Agored Ynysoedd Prydain a Phencampwriaeth Bandiau Pres Ynysoedd Prydain - dim ond y trydydd tro erioed i hyn gael ei gyflawni - ac wrth ychwanegu pencampwriaeth Brass in Concert daeth Cory y band cyntaf yn hanes i fod yn bencampwyr y pedair gystadleuaeth yn yr un flwyddyn.

Ym mis Ionawr 2017 dathlodd y band y ffaith eu bod yn rhif un ar restr detholion y byd am y 10fed blwyddyn yn olynol.[1]

Pencampwriaethau[golygu | golygu cod y dudalen]

  • Pencampwyr Ynysoedd Prydain - 1974, 1982, 1983, 1984, 2000, 2013, 2015, 2016
  • Pencampwyr Agored Ynysoedd Prydain - 2000, 2002, 2007, 2009, 2011, 2016, 2018
  • Pencampwyr Ewrop - 1980, 2008, 2009, 2010, 2013, 2016, 2019
  • Pencampwyr Brass In Concert - 2008, 2012, 2013, 2015, 2016, 2018
  • Pencampwyr World Music Contest - 2009, 2010, 2011, 2012
  • Pencampwyr Band Cymru - 2014, 2018

Cyfeiriadau[golygu | golygu cod y dudalen]

  1. 1.0 1.1 "World Rankings: A record-breaking year for Cory". 4barsrest.
  2. 2.0 2.1 2.2 "Our history". Cory Band.
  3. "Cory Band". BarssBandResults.
  4. "Welsh Area Championship". BrassBandResults.
  5. "National Finals Championship Section 1974". BrasBandResults.
  6. "European Brass Band Championship 1980". BrasBandResults.