Kemper

Afon Oded yng nghanol Kemper

Cymuned a thref Llydaw yw Kemper (Ffrangeg: Quimper; Lladin: Corspotium). Roedd y boblogaeth yn 67,127 yn 1999. Kemper yw prifddinas département Penn-ar-Bed, a hen brifddinas Bro Gerne.

Mae kemper yn air Llydaweg sy'n cyfateb i'r gair "cymer" (afon) yn Gymraeg; mae Afon Steir, Afon Oded ac Afon Jet yn cyfarfod yma. Mae hanes y dref yn mynd yn ôl i gyfnod y Rhufeiniaid. Erbyn 495 roedd y dref yn esgobaeth. Yr adeiladau mwyaf nodedig yw Eglwys Locmaria, sy'n dyddio o'r 11eg ganrif, a'r eglwys gadeiriol a adeiladwyd rhwng y 13eg ganrif a'r 16eg ganrif. Mae'r eglwys gadeiriol wedi ei chysegru i Sant Corentin, esgob cyntaf Kemper; o'i blaen ceir cerflun yn dangos Gralon, brenin Kêr-Ys, ar gefn ceffyl yn edrych i gyfeiriad ei ddinas foddedig.

Mae'r dref yn gyrchfan boblogaidd i dwristiaid ac yn adnabyddus am ei chrochenwaith. Mae ysgolion Diwan yn y dref.

Mae'n un o'r drefi ar lwybr pererindod y Tro Breizh.

• 
  Siop cerdd a llyfrau Ar Bed Keltiek
• 
  Siop Keltia Musique

Pobl o Kemper

• Dan Ar Braz, cerddor
• Nolwenn Korbell, cantores

Gweler hefyd

• Rhestr trefi a phentrefi Llydaw
• Trefi o Gymru wedi eu gefeillio a threfi o Lydaw
• Cymdeithas Cymru-Llydaw