Afon Llyfni
 | |
| Math | afon  |
|---|---|
| Daearyddiaeth | |
| Sir | Gwynedd |
| Gwlad |  Cymru |
| Cyfesurynnau | 53.0495°N 4.3387°W |
 | |
- Am yr afon yn ne Cymru, gweler Afon Llynfi.
Mae Afon Llyfni yn afon fechan yng Ngwynedd, yng ngogledd-orllewin Cymru.
Mae Afon Llyfni yn tarddu fel Nant Drws y Coed ar lethrau Y Garn a Mynydd Drws y Coed uwchben pentref gwledig Rhyd-ddu, man geni T. H. Parry-Williams. Wedi llifo tua'r gorllewin wrth ochr y ffordd B4418 mae'n cyrraedd Llyn Nantlle Uchaf.
Ar ôl llifo trwy'r llyn hwnnw mae'r afon yn newid ei henw i Afon Llyfni. Mae'n llifo i lawr Dyffryn Nantlle, gan godi dŵr o'r hen dyllau chwareli sy'n niferus iawn yn yr ardal yma, a llifo heibio Tal-y-sarn a Phen-y-groes. Mae'n cyrraedd y môr gerllaw Pontllyfni.
Yn y gorffennol defnyddid rhai o'r tyllau chwareli i gael gwared o sbwriel diwydiannol o wahanol fathau, a bu pryder fod hwn yn creu llygredd wrth i ddŵr o'r pyllau hyn lifo i mewn i Afon Llyfni. Mae'n ymddangos nad oes problem gydag ansawdd y dŵr ar hyn o bryd fodd bynnag, ac mae'r Llyfni yn afon boblogaidd gyda physgotwyr.
Enwau Pyllau 'Sgota Afon Llyfni[golygu | golygu cod y dudalen]
Pyllau Lan Mor
Cae Corn
Pwll Girdar
Cae Glas
Pont y Cim
Rhyd y Cim (ger y bont)
Craig Dinas
Llyn Hir
Fflatiau
Pistyll
Llyn Tro
Steps Bryn Hwylfa
Glanrafon
Llyn Ffatri Glanrafon
Llyn Dwy Garreg
Tan y Bryn
Preifat No Fishing
Pwll Dolgau
Pwll Tywod
GORS
Pwll Eglwys
Fflatiau Felin Gerrig
Pwll Cefn Faes Llyn
Pwll Fatri
Plas
Caer Engan
Fflatiau Gwaith Gas
Mwd Talysarn
Buasai Cymdeithas Enwau Lleoedd Cymru yn gwerthfawrogi gwybodaeth am leoliadau'r pyllau uchod.