Achille Compagnoni

Achille Compagnoni
Ganwyd	26 Medi 1914  Rhanbarth Sondrio
Bu farw	13 Mai 2009  (94 oed) Aosta
Dinasyddiaeth	Yr Eidal, Brenhiniaeth yr Eidal
Galwedigaeth	fforiwr, deu-athletwr, sgiwr mynyddoedd, dringwr mynyddoedd
Gwobr/au	Marchog Uwch-Groes Urdd Teilyngdod Gweriniaeth yr Eidal
Chwaraeon

Dringwr Eidalaidd oedd Achille Compagnoni (26 Medi 1914 - 13 Mai 2009). Gyda Lino Lacedelli, ef oedd y cyntaf i gyrraedd copa K2.

Ganed ef yn Santa Caterina di Valfurva. Roedd yn aelod o'r tîm Eidalaidd dan arweiniad Ardito Desio a fu'n ceisio dringo K2, mynydd ail-uchaf y byd, ac ar 31 Gorffennaf 1954, cyrhaeddodd ef a Lacedelli y copa.

Yn ddiweddarach, bu ffrae rhwng Compagnoni a Walter Bonatti, aelod arall o'r tîm; haerai Compagnoni fod Bonatti wedi defnyddio rhan o'r ocsigen oedd i fod i'w gadw ar gyfer yr ymgais i gyrraedd y copa. Diweddodd hyn mewn achos cyfreithiol, a dyfarnodd y llys nad oedd Bonatti wedi gwneud hyn.