Abdulrahim Abby Farah

Oddi ar Wicipedia
Neidio i: llywio, chwilio
Abdulrahim Abby Farah
عبد الرحيم آبي فرح
Cynrychiolydd parhaol Somalia i'r Cenhedloedd Unedig
Mewn swydd
1965–1972
Prif Weinidog Abdirizak Haji Hussein
Llysgennad Somalia i Ethiopia
Mewn swydd
1961–1965
Prif Weinidog Abdirashid Ali Sharmarke
Manylion personol
Ganed 22 Hydref 1919
Y Barri
Bu farw 14 Mai 2018(2018-05-14) (98 oed)
Efrog Newydd
Plaid gwleidyddol Urdd Ieuenctid Somali
Alma mater Coleg Exeter, Rhydychen
Prifysgol Rhydychen
Crefydd Islam

Diplomydd a gwleidydd Somali oedd Abdulrahim Abby Farah (Somali: Cabduulraxiim Cabby Faarax, Arabeg: عبد الرحيم آبي فرح‎)‎ 22 Hydref 191914 Mai 2018). Bu'n gwasanaethu fel Cynrychiolydd Parhaol o Somalia i'r Cenhedloedd Unedig, ac fel y Llysgennad o Somalia i Ethiopia.[1] Ef oedd cadeirydd y sefydliad anllywodraethol PaSAGO.

Bywyd personol[golygu | golygu cod y dudalen]

Ganwyd Farah ar 22 Hydref 1919, yn y Barri, Cymru, ond mae'n hanu o is-lwyth Issa Musse yr Isaaq.[2][3]

Ar gyfer ei addysg drydyddol, enillodd radd o Goleg y Brifysgol, Exeter a Prifysgol Rhydychen yn Lloegr.

Roedd Farah yn briod gyda phump o blant.[4]

Gyrfa[golygu | golygu cod y dudalen]

Cychwynnodd Farah ei yrfa diplomyddol gyda gweinyddiaeth Ymddiriedolaeth Tiriogaeth Somaliland, ac ar ôl annibyniaeth, gyda llywodraeth sifil cynnar Gweriniaeth Somali.Gwasanaethodd mewn sawl swydd yno rhwng 1951 a 1961, gan gynnwys fel Cyfarwyddwr Gwasanaeth Gwybodaeth Somali.

Rhwng 1961 a 1965, roedd Farah yn Llysgennad Somalia i Ethiopia. Bu'n gweithredu fel cynrychiolydd Somalia i Gomisiwn Economaidd y Cenhedloedd Unedig dros Affrica (ECA) yn 1962. Cynrychiolodd Farah y wlad hefyd yng nghyfarfodydd Cyngor y Gweinidogion o Sefydliad Undod Affricanaidd (OAU) yn 1964 a 1965.

O 1965 i 1972, roedd Farah yn Cynrychiolydd Parhaol Somalia i'r Cenhedloedd Unedig yn Ninas Efrog Newydd. Ar yr un pryd gwasanaethodd fel y Cyfarwyddwr Cyffredinol dros dro yng Ngweinyddiaeth Materion Tramor Somalia yn 1966.[5]

O 1969 i 1972, roedd Farah yn Gadeirydd Pwyllgor Arbennig yr UN yn Erbyn Apartheid, gan lywyddu dros sesiwn arbennig o Gyngor Diogelwch y Cenhedloedd Unedig yn 1972.[6] Roedd yn gweithredu fel Ysgrifennydd Cynorthwyol-Cyffredinol ar gyfer Cwestiynau Gwleidyddol Arbennig rhwng 1973 a 1978. Yn ogystal a hyn, gwasanaethodd Farah fel cynrychiolydd Somalia o fewn Cynghrair y Gwladwriaethau Arabaidd.[7] O 1979 hyd at 1990, roedd hefyd yn Is-ysgrifennydd-Cyffredinol ar gyfer Cwestiynau Gwleidyddol Arbennig .

Yn 1998, helpodd Farah sefydlu y Bartneriaeth i Gryfhau Sefydliadau Affricanaidd ar lawr gwlad (PaSAGO). Ers hynny, gwasanaethodd felcCadeirydd y corff. Bu farw Farah ym mis Mai 2018 yn 98.[8]

Cyfeiriadau[golygu | golygu cod y dudalen]

Dolenni allanol[golygu | golygu cod y dudalen]