Abdullah al-Baradouni

Oddi ar Wicipedia
Jump to navigation Jump to search
Abdullah al-Baradouni
Ganwyd 1 Ionawr 1929 Edit this on Wikidata
Iemen Edit this on Wikidata
Bu farw 1999 Edit this on Wikidata
Dinasyddiaeth Iemen Edit this on Wikidata
Galwedigaeth Bardd, Athro, Hanesydd, awdur geiriau, cyfansoddwr caneuon Edit this on Wikidata

Bardd o Iemen oedd Abdullah al-Baradouni (192930 Awst 1999).[1]

Ganwyd yn Zaraja a chafodd ei fagu yn Dhamar. Cafodd ei heintio gan y frech wen yn 6 oed a'i ddallu. Cafodd ei addysgu yn y brifddinas Sana'a, a dysgodd llenyddiaeth Arabeg ac hanes gwleidyddol mewn ysgol grefyddol.

Yn y 1950au cafodd ei garcharu am ei wrthwynebiad i'r imamiaid Zaydi oedd yn rheoli'r wlad. Wedi i'r fyddin ddymchwel y frenhiniaeth ym 1962, cafodd Baradouni ei garcharu unwaith eto am ei daliadau adain-chwith. Yn ogystal, cafodd ei alw'n anghrediniwr gan ffwndamentalwyr Mwslimaidd oherwydd ei gefnogaeth dros hawliau merched a democratiaeth. Yn y 1970au daeth yn gadeirydd ar Undeb Llenorion Iemen.

Ysgrifennodd 12 cyfrol o farddoniaeth a chwe llyfr ar bynciau gwleidyddol, llenyddol, llên gwerin, a gwisg. Ymddiddorodd yn nhraddodiadau hynafol Iemen, gan gynnwys llawddewiniaeth a darogan ffa coffi. Fe gofnododd hen gorganeuon sydd yn adrodd hanes y llwythau Iemenaidd a guddiodd mewn ogofâu rhag y Rhufeiniaid.

Bu farw yn 70 oed.

Cyfeiriadau[golygu | golygu cod y dudalen]

  1. (Saesneg) Lawrence Joffe, Obituary: Abdullah al-Baradouni, The Guardian (9 Medi 1999). Adalwyd ar 30 Tachwedd 2017.