9 Tan 9
| 9 tan 9 | |
|---|---|
| |
| Genre | Drama comedi |
| Ysgrifennwyd gan | Eilir Jones |
| Cyfarwyddwyd gan | Cleif Harpwood |
| Serennu | Eilir Jones Maldwyn John |
| Cyfansoddwr/wyr | Arwyn Davies |
| Gwlad/gwladwriaeth | Cymru |
| Iaith/ieithoedd | Cymraeg |
| Cynhyrchiad | |
| Cynhyrchydd | Norman Williams |
| Amser rhedeg | c.24 munud |
| Cwmnïau cynhyrchu |
Tonfedd Eryri |
| Darllediad | |
| Sianel wreiddiol | S4C |
| Rhediad cyntaf yn | 2002 |
Cyfres gomedi sefyllfa Cymraeg oedd 9 Tan 9 neu Naw tan Naw. Roedd yn dilyn helyntion staff un o siopau'r gadwyn dychmygol "Gwalia Stores", rhywle yn Sir Ddinbych, a oedd dan fygythiad parhaus oherwydd cystadleuaeth gan archfarchnad mawr o'r enw "Blerways". Cafodd y gyfres cyntaf ei gynhyrchu yn 2002 gyda phob pennod tua 24 munud o hyd ac yn cymryd slot hanner awr yn amserlen S4C gyda'r hysbysebion. Roedd awdur y gyfres, y digrifwr Eilir Jones, hefyd yn chwarae rhan y cymeriad "Mr Brook Stanley". Tonfedd Eryri oedd yn gyfrifol am gynhyrchu'r rhaglen gafodd ei ffilmio yn Stiwdio Barcud, Caernarfon.
Cast a Chymeriadau
[golygu | golygu cod]- Maldwyn John - Llewelyn Williams (Llew)
- Gwenno Elis Hodgkins - Beryl
- Arwyn Davies - Mr Rogers (rheolwr Gwalia Stores)
- Eilir Jones - Mr Brook Stanley
- Iwan Evans - Keith
- Elen Gwyne - Iona
- Catrin Mara - Ceri
- Cadfan Roberts
Cynhyrchu
[golygu | golygu cod]
Creodd y cynllunydd Martin Morley set y siop "Gwalia Stores" yn Stiwdio Barcud, Caernarfon, fel bod posib ffilmio'r gyfres o flaen cynulleidfa fyw. Derbyniodd llawer o'r nwyddau am ddim, fel rhyw lun o hysbysebu. Roedd papurau newydd Sir Ddinbych, y Denbighshire Free Press a'r Vale Advertiser i'w weld ar werth yn Gwalia Stores ac yn cael eu ddefnyddio weithiau fel propiau. Cleif Harpwood oedd y cyfarwyddwr.
Derbyniad
[golygu | golygu cod]Canmoliaeth oedd gan Dylan Wyn, adolygydd teledu BBC Cymru ar y pryd, a ddisgrifiodd un bennod fel "hanner awr o gamddealltwriaeth, ensyniadau rhywiol a mwy o ensyniadau rhywiol yn ôl geiriau fel "codiad" ac ambell frawddeg go goch!".[1] Nododd bod y gynulleidfa yn "glana chwerthin" yn sgil yr iniwendo rhywiol "W-y-misus!" ac ei fod, er gwaetha'r cyfan, wedi glynu gyda'r bennod, a bod "y nofel a'r cliciwr [wedi aros] yn eu hunfan drwy’r hanner awr, ac fe ymunais i â’r chwerthin."[1]
"Hiwmor hollol ansoffistigedig, Noson Lawen-aidd, oedd y cyfan felly. Pwy â wyr – efallai bydd ebychiadau "Ffôr Ffishcêcs!" Llew yr un mor boblogaidd ag "Asiffeta!" C’mon Midffîld."[1]
Penodau
[golygu | golygu cod]Cyfres 1
[golygu | golygu cod]| # | Teitl | Cyfarwyddwr | Darllediad cyntaf | Gwylwyr [2] |
|---|---|---|---|---|
| 1 | I'w gyhoeddi | I'w gyhoeddi | I'w gyhoeddi | x |
| Daeth Mr Rogers ar ymweliad i'r siop i gyflwyno ei hun fel rheolwr newydd Gwalia Stores. | ||||
| 2 | I'w gyhoeddi | I'w gyhoeddi | I'w gyhoeddi | x |
| Mae Mr Rogers yn asesu i ddarganfod a yw un o staff y siop yn gymwys i gymryd cyfrifoldeb swydd rheolwr y siop. Chwaraeodd John Pierce Jones rhan ffarmwr yn y bennod. | ||||
| 3 | I'w gyhoeddi | I'w gyhoeddi | I'w gyhoeddi | x |
| Mae staff Gwalia Stores yn gorfod galw plismon Cadfan Roberts i ymchwilio i ladrata yn y siop. Gyda Michael Jones yn chwarae rhan Guto. | ||||
| 4 | I'w gyhoeddi | I'w gyhoeddi | I'w gyhoeddi | x |
| Mae Iona yn edrych am gariad. | ||||
| 5 | I'w gyhoeddi | I'w gyhoeddi | I'w gyhoeddi | x |
| Mae'r siop yn cynnal noson singles i helpu bobol dod o hyd i gariadon. Gydag Iwan Roberts yn chwarae rhan Paul Humphreys a Gareth Owen yn ymddangos fel Dafydd Blodau. | ||||
| 6 | I'w gyhoeddi | I'w gyhoeddi | I'w gyhoeddi | x |
| Mae pethau'n mynd o'r chwith pan mae criw o blant yn dod i'r siop ar ymweliad o'r ysgol. Mae Janet Aethwy yn chwarae rhan yr athrawes, Ms Griffiths, a Bethan Gwilym yn ymddangos fel cwsmer. | ||||