Ynys Salamis

Oddi ar Wicipedia
Neidio i: llywio, chwilio
Canol prifddinas Ynys Salamis

Ynys Salamis (Groeg Ddemotig: Σαλαμίνα Salamina, Hen Roeg/Katharevousa: Σαλαμίς Salamis) yw'r ynys fwyaf yng Ngwlff Saronica, tua 1 filltir forwrol (2 km) dros y dŵr o borthladd Piraeus, Attica, Gwlad Groeg. Ei phrif borthladd yw Paloukia, yn ail i Piraeus yn unig o ran ei maint yn Ngwlad Groeg. Tybir fod yr enw Salamis yn tarddu o'r gair Salam (chalam), 'heddwch'; cyfeirir ati gan Homer. Yn ôl damcaniaeth arall mae'n tarddu o enw mam Cychreus, brenin cyntaf yr ynys.

Mae'r ynys yn adnabyddus am Frwydr Salamis, a ymladdwyd rhwng y Groegiaid a'r Persiaid yn 480 CC. Yn ôl traddodiad ganwyd yr arwr Aias (Ajax) a'r dramodydd Clasurol Ewripides yno hefyd.

Heddiw mae'n gartref i wersyllfa sy'n bencadlys i Lynges Groeg. Bomiwyd yr harbwr gan y Luftwaffe Almaenig yn 1941, gan suddo'r llongau rhyfel Groegaidd Kilkis a Lemnos.