Pegi Talfryn
| Pegi Talfryn | |
|---|---|
| Ganwyd | Seattle  |
| Dinasyddiaeth |  Cymru |
| Alma mater | |
| Galwedigaeth | ysgrifennwr, tiwtor |
Awdur a tiwtor Cymraeg yw Pegi Talfryn (ganwyd 1956/1957).
Bywyd cynnar ac addysg[golygu | golygu cod]
Fe'i ganwyd yn Seattle, Talaith Washington. Er nid oedd ganddi unrhyw gefndir Cymreig roedd eisiau dod i Gymru ers yn ifanc a phenderfynodd ddod draw i astudio Cymraeg ym Mhrifysgl Llanbedr Pont Steffan a graddiodd yn 1979. Aeth ymlaen i wneud cwrs ysgrifenyddol dwyieithog yng Ngholeg Technegol Gwynedd, Bangor a chwrs ymarfer dysgu yn y Brifysgol ym Mangor.[1]
Arhosodd yng Nghymru wedi cyfarfod ei gŵr, Ioan Talfryn.[2]
Gyrfa[golygu | golygu cod]
Gwnaeth amrywiaeth o swyddi: dysgu prosesu geiriau Cymraeg a Gofal Plant yng Ngholeg Y Rhyl, Llandrillo; hyfforddi cynorthwywyr dosbarth yn y gymuned; ysgrifennu cyrsiau Cymraeg; athrawes gynradd; Swyddog y Dysgwyr gyda’r Eisteddfod Genedlaethol.[2] Rhwng Jan 2010 – Oct 2015 roedd yn Reolwr Addysg yng nghanolfan iaith Nant Gwrtheyrn.
Awdur[golygu | golygu cod]
Hi yw awdur Gangsters yn y Glaw (2018) Gwasg Gomer - rhan o gyfres Amdani ar gyfer dysgwyr.[3]
Bywyd personol[golygu | golygu cod]
Mae hi’n mwynhau ysgrifennu storïau i bobl sy’n dysgu Cymraeg. Mae hi’n byw yn Waunfawr efo’i gŵr, Ioan ac mae ganddynt tri o blant.
Mae hi’n hoffi darllen llyfrau ditectif, cerdded, dysgu ieithoedd a chanu.
Cyfeiriadau[golygu | golygu cod]
- ↑ LinkedIn Pegi Talfryn. Pegi Talfryn.
- ↑ 2.0 2.1 Pegi Talfryn a'r Nant. Y Tiwtor.
- ↑ "Pegi Talfryn - Authors". www.gomer.co.uk. Archifwyd o'r gwreiddiol ar 2020-01-11. Cyrchwyd 2020-01-10.