Malcolm Browne

Oddi ar Wicipedia
Neidio i: llywio, chwilio
Malcolm Browne (1964)

Newyddiadurwr a ffotograffydd Americanaidd oedd Malcolm Wilde Browne (17 Ebrill 1931 - 27 Awst 2012). Tynnodd y llun enwog o'r mynach Bwdhaidd Thích Quảng Ðức yn hunanlosgi yn Saigon ym 1963.[1]

Gweithiodd fel gohebydd i'r Associated Press (AP) yn Fietnam yn y 1960au, gan adrodd ar yr argyfwng Bwdhaidd ac yn hwyrach Rhyfel Fietnam. Roedd yn rhan o garfan o newyddiadurwyr, gan gynnwys Peter Arnett a David Halberstam, a gafodd ffrae yng Ngorffennaf 1963 gyda heddlu cudd Ngô Đình Nhu. Enillodd Wobr Pulitzer ym 1964 am ei adroddiadau o Fietnam.[2] Ar ôl gadael yr AP, ymunodd â The New York Times ym 1968 a gweithiodd fel gohebydd rhyfel a thramor i'r papur hwnna am y 30 mlynedd nesaf.

Ym 1993, cyhoeddwyd ei hunangofiant Muddy Boots and Red Socks. Bu farw Browne o glefyd Parkinson.

Cyfeiriadau[golygu]

  1. (Saesneg) Pyle, Richard (28 Awst 2012). Burning-monk photographer Malcolm Browne dies. Associated Press. Google News. Adalwyd ar 28 Awst 2012.
  2. (Saesneg) Vietnam war reporter Malcolm Browne dies. BBC (28 Awst 2012). Adalwyd ar 28 Awst 2012.