Kingston (Jamaica)

Oddi ar Wicipedia
Neidio i: llywio, chwilio
Devon House, enghraifft o blasdy trefedigaethol cyfoethog o'r gorffennol

Dinas Kingston yw prifddinas a dinas fwyaf Jamaica, ym Môr y Caribî. Fe'i lleolir ar arfordir de-ddwyrain yr ynys. Mae'n wynebu ar harbwr naturiol a amddiffynir gan y Palisadoes, rhimyn hir o dywod sy'n cysylltu Port Royal a Maes Awyr Rhyngwladol Norman Manley i weddill yr ynys. In Hemisffer y Gorllewin, Kingston yw'r ddinas Saesneg ei hiaith fwyaf i'r de o'r Unol Daleithiau.

Rhennir canol Kingston yn ddwy ran wrthgyferbyniol : y Downtown hanesyddol ond aflonydd, a New Kingston, lleoliad atyniad mwyaf yr ynys, sef Amgueddfa Bob Marley (ar safle ei hen gartref). Mae sawl seren reggae arall, yn cynnwys Buju Banton, Sean Paul, Bounty Killer, a Beenie Man, yn hannu o Kingston hefyd. Mae atyniadau eraill yn cynnwys traethau Hellshire a Lime Cay, Amgueddfa Genedlaethol Jamaica, adfeilion Port Royal, a Devon House, hen fansiwn a'i barc cysylltiedig a fu'n eiddo i filiwnydd croen du cyntaf Jamaica.

Yn ogystal â Maes Awyr Rhynwladol Norman Manley, gwasanaethir y ddinas gan Faes Awyr Tinson Pen.

Flag of Jamaica.svg Eginyn erthygl sydd uchod am Jamaica. Gallwch helpu Wicipedia drwy ychwanegu ato.