Heol y Wig, Aberystwyth
.jpg) | |
| Math | stryd  |
|---|---|
| Daearyddiaeth | |
| Lleoliad | Aberystwyth |
| Sir | Aberystwyth |
| Gwlad |  Cymru |
| Cyfesurynnau | 52.41496°N 4.08659°W |
 | |
Un o strydoedd hynaf tref Aberystwyth yw Heol y Wig (Saesneg: Pier Street). Mae'n gorwedd ar hyd llinellau y dref ganoloesol a dyfodd wrth, ac wedi codi Castell Aberystwyth gan Edward I.
Er mai o'r Oesoedd Canol mae trefn y stryd, mae'r adeiladau o'r 18g ac yn arddull Regency gyda ffenestri mawr hirsgwâr a thalcen llyfr a thri neu bedwar llawr o uchder. Mae'r stryd yn cynnwys nifer o siopau, caffes a Swyddfa etholaeth Ceredigion Plaid Cymru. Mae un pen y stryd, y pen de-ddwyreiniol yn ffurfio cyffordd gyda'r Stryd Fawr a'r diwedd gyda Ffordd y Môr, sef Promenâd y dref.
Etymoleg[golygu | golygu cod]
Noda Carwen Vaughan fod yr enw 'Wig' yn dod o'r Saesneg 'wick' (sy'n gytras gyda'r Islandeg vik) sy'n golygu "hafan bach yn dod fewn o'r môr" ac nid 'wig' i olygu 'coedwig' fel y cred nifer o bobl.[1]
Mae'r 'wig' hefyd yn cyfeirio at y creigiau yn y bae islaw y stryd.
Map cynnar[golygu | golygu cod]
Nodir 'wig' yn map enwog Lewis Morris un o Forrisiaid Môn.[2] fel 'The Weeg' ar dalen 17 ar y wefan.
Nodweddion y stryd[golygu | golygu cod]
Ceir amrywiaeth o siopau a caffes ar Heol y Wig. Ymysg y caffes a llefydd bwyta mae tri caffe adnabyddus.
- Home Cafe - lle cynhaliwyd cyfarfod cyn protest Pont Trefechan Cymdeithas yr Iaith Gymraeg yn 1963.
- Penguin Cafe - sefydlwyd gan Eidalwyr rhwng y ddau ryfel byd.
- Caffe'r Caban
Cyfeiriadau[golygu | golygu cod]
- ↑ http://merchedywawr.cymru/wp-content/uploads/2016/09/enwau-aberystwyth.pdf[dolen marw]
- ↑ "copi archif". Archifwyd o'r gwreiddiol ar 2022-01-28. Cyrchwyd 2018-04-29.