Harold Carter
| Harold Carter | |
|---|---|
| Ganwyd | 14 Ebrill 1925  Castell-nedd |
| Bu farw | 30 Tachwedd 2017 |
| Dinasyddiaeth |  Cymru |
| Galwedigaeth | academydd, daearyddwr, cultural geographer |
| Gwobr/au | Cymrawd Cymdeithas Ddysgedig Cymru |
Daearyddwr dynol o Gymro oedd yr Athro Harold Carter (14 Ebrill 1925 – 30 Tachwedd 2017).[1]
Ganwyd yng Nghastell-nedd. Daeth yn gynorthwy-ydd ymchwil yn Aberystwyth yn 1949 ac yna bu'n Athro Daearyddiaeth Dynol Gregynog o 1969 hyd 1983. Rhwng 1983 a'i ymddeoliad yn 1986 roedd yn Gyfarwyddwr Adran Daearyddiaeth Aberystwyth. Bu hefyd yn Athro Emeritws ym Mhrifysgol Cymru, Aberystwyth. Yn ystod ei yrfa roedd yn Athro Gwadd ac yn hwyrach Athro Gwadd Nodweddol ym Mhrifysgol Cincinnati a llefydd eraill
Yn 1977 fe gyhoeddwyd damcaniaeth ffurfiad pedair dinas yn ei lyfr The Study of Urban Geography. Roedd hefyd yn arbenigwr ar y Gymraeg ac ym 1994 cyhoeddodd A Geography of the Welsh Language 1961-1991.
Cafodd ei dderbyn fel aelod o Orsedd y Beirdd yn Eisteddfod Llanrwst 1989. Yn 2011 daeth yn aelod o'r Gymdeithas Ddysgiedig Cymru.[2]
Cyhoeddiadau[golygu | golygu cod]
- Harold Carter a Aitchison, John: A Geography of the Welsh Language 1961-1991. Cardiff: U of Wales P, 1994. ISBN 0-7083-1236-5
- Harold Carter: The Study of Urban Geography. London: Arnold, 1972. ISBN 0-7131-5595-7
Cyfeiriadau[golygu | golygu cod]
- ↑ Teyrnged i'r daearyddwr yr Athro Harold Carter , BBC Cymru Fyw, 30 Tachwedd 2017.
- ↑ Harold Carter. Y Lolfa. Adalwyd ar 30 Tachwedd 2017.