Frantz Fanon

Oddi ar Wicipedia
Neidio i: llywio, chwilio
Frantz Fanon

Seiciatrydd, athronydd, chwyldroadwr, a llenor o Martinique oedd Frantz Omar Fanon (20 Gorffennaf 1925 – 6 Rhagfyr 1961). Roedd yn ddylanwadol mewn astudiaethau ôl-drefedigaethol. Ysgrifennodd y llyfrau Peau noire, masques blancs (1952) a Les Damnés de la terre (1961).

Ganwyd yn Fort-de-France, prifddinas Martinique, a mynychodd ysgolion ar yr ynys honno ac yn Ffrainc. Gwasanaethodd ym Myddin Ffrainc yn ystod yr Ail Ryfel Byd. Wedi'r rhyfel astudiodd meddygaeth a seiciatreg ym Mhrifysgol Lyon. Roedd yn bennaeth adran seiciatreg Ysbyty Blida-Joinville, Algeria, o 1953 hyd 1956. Ymunodd â'r mudiad gwrth-drefedigaethol yn Algeria ym 1954 ac ym 1956 daeth yn olygydd y papur newydd El Moudjahid a gyhoeddwyd yn Nhiwnis. Penodwyd yn llysgennad Algeria i Ghana ym 1960 gan y Llywodraeth Dros Dro.[1]

Cyfeiriadau[golygu]

  1. (Saesneg) Frantz Fanon. Encyclopædia Britannica. Adalwyd ar 16 Tachwedd 2013.
Comin Wikimedia
Mae gan Gomin Wikimedia gyfryngau sy'n berthnasol i:


Baner MartiniqueEicon person Eginyn erthygl sydd uchod am Fartiniciad. Gallwch helpu Wicipedia drwy ychwanegu ato.