Dal y Mellt (cyfres deledu)
| Dal y Mellt | |
|---|---|
| Genre | Drama |
| Cyfansoddwr/wyr | Siôn Trefor |
| Gwlad/gwladwriaeth | Cymru |
| Iaith/ieithoedd | Cymraeg |
| Nifer cyfresi | 1 |
| Nifer penodau | 6 (Rhestr Penodau) |
| Cynhyrchiad | |
| Cynhyrchydd | Llyr Morus, Iwan Roberts |
| Golygydd | Urien Deiniol |
| Sinematograffeg | Rory Taylor |
| Amser rhedeg | 60 munud |
| Cwmnïau cynhyrchu |
Vox Pictures |
| Darllediad | |
| Sianel wreiddiol | S4C |
| Fformat llun | 1080i (16:9 HDTV) |
| Darllediad gwreiddiol | 2 Hydref 2022 |
| Cysylltiadau allanol | |
| Proffil IMDb | |
Rhaglen ddrama yw Dal y Mellt. Mae'n seiliedig ar y nofel o'r un enw a gyhoeddwyd gan Iwan 'Iwcs' Roberts yn 2019. Cynhyrchwyd y fersiwn teledu gan Llŷr Morus o Vox Pictures, gyda Iwan yn addasu ei nofel i sgript. Ymunodd Huw Chiswell fel cyfarwyddwr.
Mae'r gyfres yn dilyn hanes cythryblus y prif gymeriad, Carbo, gan fynd ar daith gynhyrfus a difyr wrth iddo gael ei dynnu mewn i fyd o ddrwg weithredu, celwyddau, cyfrinachau a thor calon.
Mae 6 pennod yn y gyfres gyntaf. Fe'i darlledwyd yn y slot ddrama arferol am 9pm ar S4C.[1]
Ar 15 Medi 2023, cyhoeddwyd y fod ail gyfres yn cael ei ffilmio a byddai yn cael ei ddarlledu yn 2024.[2]
Cast[golygu | golygu cod]
- Carbo – Gwïon Morris Jones
- Mici Ffin – Mark Lewis Jones
- Les – Graham Land
- Meri-Jên – Siw Hughes
- Gronw – Dyfan Roberts
- Antonia – Lois Meleri-Jones
- Dafydd Aldo – Owain Arwyn
- Cidw – Ali Yassine
Penodau[golygu | golygu cod]
| # | Teitl | Cyfarwyddwr | Awdur | Darllediad cyntaf | Gwylwyr S4C [3] |
|---|---|---|---|---|---|
| 1 | "Y Fagl" | Huw Chiswell | Iwan Roberts | 2 Hydref 2022 | 35,000 |
| Wedi ceisio cuddio am fisoedd mae'r rhwyd yn cau o amgylch Carbo wrth i Mici a Les gael gafael ynddo - mae'r cynllun o ddial yn dechrau. | |||||
| 2 | "Yr Alwad" | Huw Chiswell | Iwan Roberts | 9 Hydref 2022 | <15,000 |
| Mae Carbo yn penderfynu gadael y criw a mynd ar ei liwt ei hun, ond pan dderbynia alwad ffôn gan Antonia mae'n cael ei swyno ac yn dewis aros i weld beth sydd ar droed. | |||||
| 3 | "Y Trip" | Huw Chiswell | Iwan Roberts | 16 Hydref 2022 | <16,000 |
| Mae Carbo yn teithio i Ogledd Cymru ac yn cyfarfod Gronw ac mae'n derbyn newyddion trist am orffennol ei dad. Nid yw'n cael ei siomi pan yn cyfarfod gyda Antonia wyneb yn wyneb. | |||||
| 4 | "Y Plan" | Huw Chiswell | Iwan Roberts | 23 Hydref 2022 | <19,000 |
| Mae'r gang gyda'i gilydd am y tro cyntaf a'r ymarferion ar gyfer y cynllun o ddial ar gychwyn. Daw'r Anhysbus i chwilio am Carbo a'r £30,000 sydd yn ddyledus ganddo. Caiff Gwilym Posman ei ddal yng nghanol yr anghydfod. | |||||
| 5 | "Y Glec" | Huw Chiswell | Iwan Roberts | 30 Hydref 2022 | <19,000 |
| Parhau mae'r ymarferion ar gyfer yr heist ac mae'r criw yn penderfynu mynd i'r dafarn am gêm o pool i ymlacio. Daw Carbo wyneb yn wyneb gyda hen gyfoedion o'r ysgol a darganfod mwy o wirioneddau trist am farwolaeth ei dad. | |||||
| 6 | "Y Celtic Pride" | Huw Chiswell | Iwan Roberts | 6 Tachwedd 2022 | <20,000 |
| Mae'r diwrnod mawr wedi cyrraedd ac mae'r criw yn barod am yr heist. Nid yw popeth yn mynd yn iawn wrth i Mici groesi Terrence Huston. Daw newyddion trist am Gronw. Wedi'r hir ymaros, ydi'r holl waith paratoi a dial wedi bod i ddim yn y diwedd'? | |||||
Cyfeiriadau[golygu | golygu cod]
- ↑ Dal y Mellt yn dod yn fyw ar ffurf cyfres ddrama , S4C, 18 Chwefror 2022.
- ↑ "Y Wasg | S4C". www.s4c.cymru. Cyrchwyd 2023-09-15.
- ↑ Ffigyrau gan S4C. Gweler [1], Ffigyrau Gwylio S4C.
Dolenni allanol[golygu | golygu cod]
- (Saesneg) Dal y Mellt ar wefan Internet Movie Database
- Dal y Mellt ar y BBC iPlayer