Awstiniaid

Oddi ar Wicipedia

Neidio i: llywio, chwilio

Urddau mynachaidd yn perthyn i'r Eglwys Gatholig yw'r Awstiniaid. Daw'r enw o Sant Awstin o Hippo (bu farw 430).

Ar hyn o bryd mae pum prif gangen:

  1. Urdd Sant Awstin; urdd o frodyr dan y Prior Cyffredinol
  2. Lleianod Awstinaidd; lleianod yn dilyn bywyd caeedig
  3. urddau Awstinaidd eraill heb fod dan y Prior Cyffredinol, er enghraifft yr Wrswliniaid
  4. cynulleidfaoedd crefyddol o fywyd apostolaidd (dynion a merched)
  5. urddau a chymdeithasau lleyg a sefydlwyd dan enw Sant Awstin

[golygu] Tai Awstinaidd yng Nghymru

Sefydlwyd nifer o dai o Ganoniaid Rheolaidd yn dilyn y rheol Awstinaidd yng Nghymru. Roedd y rhain yn cynnwys Priordy Penmon, Priordy Caerfyrddin a Priordy Llanddewi Nant Hodni. Bu amryw ohonynt yn hen glasau Celtaidd cyn dod yn briordai; er enghraifft yng Ngwynedd daeth amryw o'r hen glasau yn briordai y Canoniaid Awstinaidd Rheolaidd dan nawdd Llywelyn Fawr yn nechrau'r 13eg ganrif.

Wedi dod o "http://cy.wikipedia.org/wiki/Awstiniaid"
Offer personol