Afon Oise

Map yn dangos lleoliad Afon Oise

Afon Oise yn llifo trwy Hirson

Un o ledneintiau Afon Seine yng ngogledd Ffrainc a Gwlad Belg yw Afon Oise. Ei hyd yw 302 km. Mae'r afon yn tarddu yn nhalaith Hainaut, i'r de o dref Chimay, yng Ngwlad Belg. Ar ôl llifo am tua 20 km mae'n croesi'r ffin i Ffrainc. Ceir ei chymer ag afon Seine yn nhref Conflans-Sainte-Honorine, ger Paris. Ei phrif lednant yw Afon Aisne.

Lleoedd ar lannau'r afon

Yn Ffrainc, mae afon Oise yn llifo trwy'r départements a threfi canlynol:

• Aisne: Hirson, Guise, Chauny
• Oise (a enwir ar ôl yr afon): Noyon, Compiègne, Creil
• Val-d'Oise ("Dyffryn Oise"): Auvers-sur-Oise, Pontoise, Cergy, Jouy-le-Moutier
• Yvelines: Conflans-Sainte-Honorine