Afon Madeira
Oddi ar Wicipedia
Afon yn Ne America sy'n llifo i mewn i afon Amazonas yw afon Madeira. Ffurfir yr afon pan mae afon Mamoré ac afon Beni yn cyfarfod i'r dwyrain o Nova Mamoré.
Mae'n 1,450 km o hyd, neu 3,239 km yn cynnwys ei llednentydd, afon Mamoré, Río Grande, afon Caine ac afon Rocha. Y porthladd pwysicaf ar yr afon yw Porto Velho, prifddinas rhanbarth Rondônia, Brasil. Gellir mordwyo'r afon am 1,100 km oddi yno hyd Itacoatiara.
