Neidio i'r cynnwys

Ysgol yr Hendre

Oddi ar Wicipedia
Ysgol yr Hendre
Enghraifft o:ysgol Gymraeg Edit this on Wikidata
LleoliadCaernarfon Edit this on Wikidata
Map
Gwladwriaethy Deyrnas Unedig Edit this on Wikidata
RhanbarthGwynedd Edit this on Wikidata
Dynodwyr

Ysgol gynradd cyfrwng Cymraeg yw Ysgol yr Hendre a leolir yng Nghaernarfon, Gwynedd.

Mae'r ysgol yn derbyn plant yn rhan-amser o dair blwydd oed, ac yn llawn amser o bedair oed hyd at un ar ddeg oed. Mae'n ysgol gyd-addysgol dan reolaeth Awdurdod Addysg Lleol Gwynedd.[1] Cynhelir Cylch Meithrin yn yr ysgol hefyd, gan ddarparu gofal o amgylch oriau ysgol a gofal i blant iau.[2]

Cafodd adeilad presennol Ysgol yr Hendre yn Llanbeblig ei adeiladu rhwng 2011–2012 a'i agor ym mis Mawrth 2012. Mae tua 400 o blant yn mynychu'r ysgol, ac mae ganddi le i 450 disgybl.[3]

Mae'r ysgol yn rhan o ddalgylch ysgol uwchradd Ysgol Syr Hugh Owen.

Mae'r ysgol yn disgrifio ei hun fel ysgol ddwyieithog sydd wedi ymrwymo i Siarter Iaith Ysgolion Gwynedd.[1]

Cyn 2011 roedd Ysgol yr Hendre yn ysgol weddol fach ar Lôn Hendre. Ym 2010 penderfynodd y Cyngor fod yr ysgol yn rhy fach ar gyfer nifer y plant, felly adeiladwyd ysgol newydd gyda chyllideb wreiddiol o £6.5 miliwn, gyda £4.3 miliwn o'r arian hwnnw yn dod o Gronfa Buddsoddi Cyfalaf Strategol y Cynulliad.[4]

Wrth gloddio safle'r ysgol newydd ger stad tai Tŷ Gwyn yn 2010, darganfuwyd mynwent ganoloesol gynnar a gwersyll Rhufeinig.[5] Un o oblygiadau hyn oedd cynnydd yng nghost adeiladu'r ysgol.[4]

Cyfeiriadau

[golygu | golygu cod]
  1. 1 2 "Llawlyfr Rhieni Ysgol Yr Hendre 2020-21" (PDF). Ysgol yr Hendre. 2020. Cyrchwyd 14 Awst 2026.
  2. ↑ "CLWB PLANT SEGONTIWM". Mudiad Meithrin. Cyrchwyd 2026-08-14.
  3. ↑ "Gwybodaeth | Ysgol yr Hendre". www.ysgolyrhendre.cymru. Cyrchwyd 2026-08-14.
  4. 1 2 "Cyllideb Adeiladu Ysgol Newydd yr Hendre" (PDF). Cyngor Gwynedd. 13 Mai 2010. Cyrchwyd 14 Awst 2026.
  5. ↑ "Mynwent ganoloesol gynnar a gwersyll adeiladu Rhufeinig o dan Ysgol yr Hendre" (PDF). Cyngor Gwynedd. Ymddiriedolaeth Archaeolegol Gwynedd. Cyrchwyd 14 Awst 2026.