Ynys King William
Ynys yng ngogledd Canada yw Ynys King William. Mae ganddi arwynebedd o 13,111 km²; mewn cymhariaeth mae arwynebedd Ynys Môn yn 714 km². Saif heb fod ymhell o dir mawr Canada, i'r gorllewin o Benrhyn Boothia ac i'r dwyrain o Ynys Victoria. Roedd y boblogaeth yn 2001 yn 1,064; y pentref mwyaf yw Gjoa Haven.
Yn weinyddol, mae'r ynys yn rhan o diriogaeth Nunavut. Mae'r ynys yn adnabyddus am ei phoblogaeth fawr o'r caribŵ, sy'n byw yma yn yr haf cyn mudo tua'r de ar draws y rhew yn yr hydref.
