Wicklow
Tref yn Iwerddon yw Wicklow (Gwyddeleg: Cill Mhantáin), sy'n dref sirol Swydd Wicklow yn nhalaith Leinster, Gweriniaeth Iwerddon. Fe'i lleolir ar arfordir dwyreiniol yr ynys tua 32 milltir i'r de o Ddulyn.
Mae'r draffordd N11, sy'n mynd heibio i orllewin y dref, yn ei chysylltu gyda Dulyn i'r gogledd a gyda Wexford a Waterford i'r de. Ceir harbwr yno ar gyfer llongau masnachol.
I'r gorllewin ceir Mynyddoedd Wicklow (Sléibhte Chill Mhantáin), sydd i'w gweld o gopaon Eryri pan fo'r awyr yn glir. Mae'r mynyddoedd hyn yn un o brif atyniadau twristaidd Iwerddon ond dydy Wicklow ei hun ddim yn ganolfan dwristaidd.
