Thalasotherapi

Oddi ar Wicipedia
Jump to navigation Jump to search

Thalasotherapi (o'r gair Groeg thalassa, sy'n golygu "môr") yw'r defnydd o ddŵr y môr fel ffurf o therapi.[1] Mae'n seiliedig ar ddefnydd systematig o ddŵr y môr, cynnyrch y môr, a hinsawdd y glannau.[2] Credir bod nodweddion dŵr y môr yn cael effaith llesol ar groendyllau.

Mae rhai yn honni mai yn nhrefi glan môr Llydaw y cafodd thalasotherapi ei ddatblygu yn ystod y 19g.[3] Roedd Dr Richard Russell[4][5][6] yn un o hyrwyddwyr y therapi ac mae poblogrwydd glan y môr yn ail hanner y 18g wedi'i briodoli, yn rhannol o leiaf, iddo ef.[7][8] Yn Póvoa de Varzim, Portiwgal, ardal sy'n cael ei hadnabod am ei lefel uchel o ïodin oherwydd y coedwigoedd gwymon a niwl cyson, ceir cofnod o bobl yn mynd yno am resymau meddygol ers 1725 ac mai'r mynachod Benedictaidd a'i cychwynnodd, a bod ffermwyr wedi dilyn yn fuan wedyn. Agorwyd baddondai cyhoeddus gyda dŵr môr cynnes ynddynt yn ystod y 19g.[9] Mae eraill yn honni bod thalasotherapi yn hŷn o lawer ac yn gallu cael ei olrhain yn ôl i'r henfyd. Roedd y Rhufeiniaid yn gredwyr mawr yn rhinweddau thalasotherapi.[2]

Mewn thalasotherapi, credir bod y magnesiwm, potasiwm, calsiwm, sodiwm, ac ïodid yn nŵr y môr yn cael ei amsugno trwy'r croen. Nid yw effeithiolrwydd y dull hwn o therapi wedi'i dderbyn yn eang am nad yw wedi'i brofi'n wyddonol. Defnyddir y therapi mewn amryw o ffyrdd, naill ai fel cawodydd o ddŵr môr cynnes, neu gyda mwd o'r môr neu bast gwymon, neu anadlu niwl y môr. Mae ffynhonfeydd yn creu dŵr môr cynnes ac yn darparu gwasanaethau gosod mwd neu wymon. Mae'r math hwn o therapi yn boblogaidd yn ardal y Môr Marw.

Cyfeiriadau[golygu | golygu cod y dudalen]

  1. Angus Stevenson, ed. (2007). "Definition of thalassotherapy". Shorter Oxford English Dictionary. 2: N-Z (6th ed.). Oxford: Oxford University Press. p. 3225. ISBN 978-0-19-920687-2. 
  2. 2.0 2.1 Charlier, Roger H. and Marie-Claire P. Chaineux. “The Healing Sea: A Sustainable Coastal Ocean Resource: Thalassotherapy.” Journal of Coastal Research, Number 254:838-856. 2009.
  3. New ager: thalassotherapy, telegraph.co.uk
  4. Richard Russell, The Oeconomy of Nature in Acute and Chronical Diseases of the Glands (8th edition, John and James Rivington, London, 1755; and James Fletcher, Oxford), accessed 7 December 2009. Full text at Internet Archive (archive.org)
  5. Russell, Richard (1760). "A Dissertation on the Use of Sea Water in the Diseases of the Glands. Particularly The Scurvy, Jaundice, King's-Evil, Leprosy, and the Glandular Consumption". To which is added a Translation of Dr. Speed's Commentary on SEA WATER. As also An Account of the Nature, Properties, and Uses of all the remarkable Mineral Waters in Great Britain (4th ed.). London: W. Owen. Adalwyd 7 Rhagfyr 2009.  Check date values in: |access-date= (help) First published 1750 as De Tabe Glandulari. Full text at Google Books.
  6. Gray, Fred (2006). Designing the Seaside: Architecture, Society and Nature. London: Reaktion Books. pp. 46–47. ISBN 978-1-86189-274-4. Adalwyd 8 Rhagfyr 2009.  Check date values in: |access-date= (help)
  7. Gray, Fred. (2006), p.46
  8. Gray, Fred. (2006), p.47
  9. Projecto para a Construção de Pavilhões na Praia da Póvoa (Maio a Junho de 1924) - Arquivo Municipal da Póvoa de Varzim (2008)