Taxi Driver

Oddi ar Wicipedia
Taxi Driver

Poster y Ffilm
Cyfarwyddwr Martin Scorsese
Cynhyrchydd Julia Phillips
Michael Phillips
Ysgrifennwr Paul Schrader
Serennu Robert De Niro
Jodie Foster
Albert Brooks
Harvey Keitel
Leonard Harris
Peter Boyle
Cybill Shepherd
Cerddoriaeth Bernard Herrmann
Sinematograffeg Michael Chapman
Golygydd Tom Rolf
Melvin Shapiro
Dylunio
Cwmni cynhyrchu Columbia Pictures
Dyddiad rhyddhau 8 Chwefror, 1976
Amser rhedeg 113 munud
Gwlad Unol Daleithiau
Iaith Saesneg
Erthygl am y ffilm o 1976 yw hon. Gweler hefyd Taxi Driver (gwahaniaethu).

Ffilm o 1976 a gyfarwyddwyd gan Martin Scorsese ac a sgriptwyd gan Paul Schrader yw Taxi Driver. Lleolir digwyddiadau'r ffilm yn Ninas Efrog Newydd yn y cyfnod yn dilyn diwedd Rhyfel Fiet Nam ac mae'n serennu Robert De Niro yn y brif ran gyda Jodie Foster, Albert Brooks, Harvey Keitel, Leonard Harris, Peter Boyle a Cybill Shepherd. Mae'n cael ei ystyried yn un o glasuron ffilm y 1970au ac mae gwaith sinematig Scorsese, y gerddoriaeth, a pherfformiad arbennig De Niro, yn ei gwneud yn ffilm unigryw a chofiadwy.

Crynodeb[golygu | golygu cod]

Prif gymeriad y ffilm yw Travis Bickle (De Niro), dyn ifanc 26 oed sy'n methu cysgu ac yn gorfod gweithio 12 awr y dydd fel gyrrwr tacsi ar strydoedd Efrog Newydd. Mae'n gymeriad ansefydlog, niwrotig, sy'n ei chael hi'n anodd ymdopi efo bywyd a gwahaniaethu rhwng realiti a ffantasi, canlyniad ei brofiadau fel milwr yn Fiet Nam, efallai.

Iris (Jodie Fosterr)

Yn ei waith mae Travis yn gweld pob agwedd anymunol ar fywyd yn y Big Apple ac mae ochr dywell y ddinas yn ei ffieiddio. Mae'n dechrau cael obsesiwn am "lanhau'r strydoedd" ac yn treulio oriau maith yn ymarfer ei gorff.

Mae'n cwrdd â Betsy (Shepherd) ac yn syrthio mewn cariad â hi, ond dydi o ddim yn deall merched. Yn ei ddiniweidrwydd mae'n mynd â hi i wylio ffim bornograffig mewn sinema siabi ac mae hi'n cerdded allan arno fo. Mae Betsy yn gweitho mewn tîm o ymgyrchwyr i ethol seneddwr llai nag onest ac mae Travis yn dod yn agos i'w asasineiddio.

Yna mae'n cwrdd ag Iris (Jodie Fosterr), merch 12 oed sydd wedi troi at weithio fel putain. Mae'n penderfynu ei hachub o ddwylo ei phimp. Ar ddiwedd y ffilm mae'n cerdded i mewn i'r puteindy lle mae Iris yn gweithio a lladd y pimp ac eraill mewn golygfa waedlyd iawn. Ceisia saethu ei hun yn y pen ond does 'na ddim bwledi ar ôl.

Yn yr epilog byr mae Travis yn arwr i'r cyfryngau ond mae ei agwedd o ei hun yn enigmatig. Aiff ymlaen a'i waith fel gyrrwr tacsi yn ddidaro.

Cast[golygu | golygu cod]

Gwobrau[golygu | golygu cod]

Enillodd y Palme d'Or yng Ngŵyl Ffilm Cannes 1976.