Tatsfield

Oddi ar Wicipedia
Neidio i: llywio, chwilio

Pentref yn Surrey, Lloegr yw Tatsfield. Saif i'r de-ddwyrain o Lundain, ar gyrion Llundain Fwyaf, ac yn agos at y ffîn rhwng Surrey a Swydd Caint. Mae'r boblogaeth tua 1,800.

Ar ddechrau'r 14eg ganrif, roedd Rhodri ap Gruffudd, brawd iau Llywelyn ap Gruffudd, yn dal maenor Tatsfield wedi iddo symud i Loegr. Etifeddwyd y faenor gan ei fab, Thomas ap Rhodri, ac mae'n bosibl mai yma y ganed ei fab ef, Owain Lawgoch. Fforffedodd Owain y faenor yn 1369 oherwydd ei fod yng ngwasanaeth Siarl V, brenin Ffrainc. Dywedir fod enwau Cymraeg ar rai strydoedd yma, e.e. "Maesmaur Road" (felly).

Bu'r diplomydd Donald Maclean yn byw yma o fis Rhagfyr 1950 hyd nes iddo ffoi i'r Undeb Sofietaidd ym mis Mai 1951.