Straeon y Pentan

Oddi ar Wicipedia
Jump to navigation Jump to search

Cyfrol olaf Daniel Owen yw Straeon y Pentan. Cyhoeddwyd y gyfrol gan Hughes a'i Fab yn 1895, ychydig fisoedd cyn marwolaeth yr awdur. Roedd 9 o'r 19 stori wedi ymddangos yn fisol yn Cymru'r Plant rhwng Gorffennaf 1894 ac Ebrill 1895. Yn ei ragair 'At y Darllenydd' mae Daniel Owen yn pwysleisio mai straeon gwir yw'r rhain, a'i fod yn defnyddio'r cymeriad "F'ewyrth Edward" i'w hadrodd "er mwyn ysgafnhau yr arddull a'u gwneud yn fwy darllenadwy i bawb". Mae'n sicr i Daniel Owen ddefnyddio straeon a glywsai ar lafar gwlad yn yr Wyddgrug a'r ardaloedd cyfagos, ac yn wir iddo fynychu tafarnau'r Wyddgrug i chwilio amdanynt. Mewn sgwrs gyda T. Ceiriog Williams cofiai un o drigolion Maes-y-dre sôn am hyn, "Old Daniel's been yonder again after his tales."[1]

Cyfeiriadau[golygu | golygu cod y dudalen]

  1. Archifdy Sir y Fflint, Penarlâg D/DM/521/32 (tâp sain). Dyfynnir yn Dawn Dweud: Daniel Owen, t.192