Snæfellsnes

Oddi ar Wicipedia
Jump to navigation Jump to search
Snæfellsnes
Рассвет на полуострове Снайфедльснес.jpg
Math penrhyn Edit this on Wikidata
Daearyddiaeth
Gwlad Baner Gwlad yr Iâ Gwlad yr Iâ
Gerllaw Breiðafjörður Edit this on Wikidata
Cyfesurynnau 64.8581°N 23.115°W Edit this on Wikidata
Lleoliad y Penrhyn

MaeSnæfellsnes (IPA:ˈstn̥aiːfɛlsˌnɛːs) yn benrhyn yng ngorllewin Gwlad yr Iâ, i'r gorllewin o Borgarfjörður. Ystyr yr enw y "penrhyn mynydd eira" yn Islandeg.(snær = eira (snow yn Saesneg), fell = mynydd, fel y 'fells' yng ngogledd Lloegr, nes = penrhyn.

Dywed fod y penrhyn yn gynrychioladol o Wlad yr Iâ gan fod modd gweld gymaint o nodweddion yr ynys yno. Ceir llosgfynydd Snæfellsjökull yno, a ystyrir yn un o symbolau Gwlad yr Iâ; Mae'r llosgfynydd yn codi i uchder o 1446 m, a ceir rhewlif ar ei begon (ystyr jökull yw rhewlif). Ar ddiwrnod clir gellir gweld y llosgfynydd o'r brifddinas, Reykjavík - pellter o 120 km fel hed y frân. Mae'r mynydd hefyd yn adnabyddus i nifer fel lleoliad nofer enwog Journey to the Center of the Earth gan y Ffrancwr, Jules Verne. Mae'r ardal o gwmpas Snæfellsjökull wedi ei enwi'n un o bedwar Parc Cenedlaethol Gwlad yr Iâ.

Mae'r penrhyn yn un o'r prif leoliadau yn Saga'r Laxdœla saga a dyma, yn ôl y saga, oedd man geni yr aelod Gorllewin Norseg o Gard y Varangiaid, Bolli Bollasson. Ymysg pobl hanesyddol eraill bu'n byw yno yn ôl y saga oedd, Guðrún Ósvífursdóttir, Bolli Þorleiksson a Snorri y Goði.

Snæfellsjökull
Arnarstapi ar Snæfellsnes

Ar hyd arfordir gogleddol y penrhyn ceis pentrefi pysgota a threfi bychain gan gynnwys; Arnarstapi, Hellnar, Rif, Ólafsvík, Grundarfjarðarbær, a Stykkishólmur.

Ger Hellissandur ceir y strwythur uchaf yng ngorllewin Ewrop, mast radio hirdon, Hellissandur.

Ym Mehefin 2008, derbyniodd pobl Snaefellsnes dystysgrif statws cymuned EarthCheck am ddatblygu twristaieth cynaladwy.[1] Dyna'r gymuned gyntaf yng Ngwlad yr Iâ ac Ewrop a dim ond y pedwerydd yn y byd i dderbyn y dystysgrif.

Cyfeiriadau[golygu | golygu cod y dudalen]

  1. Is EarthCheck community standard an effective sustainable tourism management tool? : a case study on Snæfellsnes Peninsula, Iceland http://hdl.handle.net/1946/9497

Dolenni allanol[golygu | golygu cod y dudalen]