Sleep Furiously
| Teitl amgen | The Library Van (teitl gweithiol) |
|---|---|
| Cyfarwyddwr | Gideon Koppel |
| Cynhyrchydd | Margaret Matheson / Gideon Koppel |
| Cerddoriaeth | Aphex Twin |
| Sinematograffeg | Gideon Koppel |
| Golygydd | Mario Battistel |
| Sain | Chris King, Richard Davey, Joakim Sundström |
| Dylunio | |
| Cwmni cynhyrchu | ‘Asiantaeth Ffilm Cymru’ mewn cydweithrediad â ‘bard entertainments ltd’ a ‘van film ltd’ |
| Amser rhedeg | 94 munud |
| Gwlad | Cymru / DU |
| Iaith | Saesneg / Cymraeg |
Ffilm ddogfen a ryddhawyd yn 2008 ydy Sleep Furiously. Gideon Koppel oedd y cyfarwyddwr.
Crynodeb[golygu | golygu cod]
Dogfen yw hon am gymuned wledig Trefeurig nepell o Aberystwyth. Mae’n ddogfen artistig sy’n symud yn araf ar draws blwyddyn yng nghwmni’r trigolion, gan ddefnyddio John Jones, ceidwad y llyfrgell deithiol fel llinyn storiol, a chawn weld ei fan felen yn symud fel malwen osgeiddig ar draws ehangder y tirlun. Rhoddir sylw hefyd i Pip, mam y cyfarwyddwr, a setlodd gyda’i diweddar ŵr yn yr ardal wedi iddynt ffoi o’r Almaen adeg yr Ail Ryfel Byd. Daw teitl y ffilm o ddyfyniad gan Noam Chomsky, "colourless green ideas sleep furiously" i ddarlunio brawddeg sy’n gywir yn ramadegol, ond yn gwneud dim synnwyr. Gellid honni nad yw ffilm Koppel yn gwneud synnwyr ar un olwg, ond fel cyfanwaith mae’n llwyddo i gyfleu y gymuned. Ceir teimlad o "gofnodi cyn ei bod yn rhy hwyr" sy’n rhoi blas o dristwch i’r gwyliwr, ac atgyfnerthir hyn gan y gerddoriaeth a dyfyniad a welir ar y sgrîn tuag at ddiwedd y ffilm – "It is only when I sense the end of things that I find the courage to speak, the courage but not the words".
Manylion technegol[golygu | golygu cod]
Fformat saethu: Super 16mm/35mm
Lliw: Lliw
Cymhareb agwedd: 1.85:1
Lleoliadau saethu: Trefeurig, Cymru.
Gwobrau: Gwobr Ffilm Gyntaf The Guardian 2010
Llyfryddiaeth[golygu | golygu cod]
Adolygiadau[golygu | golygu cod]
- Mark Ford, The Guardian, 9 Mai 2009 ("Time just spins around")
- Jonathan Romney, The Independent on Sunday, 31 Mai 2009
- Sukdhev Sandhu, The Telegraph, 28 Mai 2009
- Sight and Sound, Mehefin 2009 (The Hills are Alive)
Erthyglau[golygu | golygu cod]
- Cyfweliad gyda Gideon Koppel ar wefan y BBC Archifwyd 2012-11-14 yn y Peiriant Wayback.
- Cyfweliad gyda Gideon Koppel ar wefan Little White Lies Archifwyd 2010-08-09 yn y Peiriant Wayback.
Mae'r erthygl hon yn cynnwys testun o'r cofnod Sleep Furiously ar yr Esboniadur, adnodd addysgiadol agored gan y Coleg Cymraeg Cenedlaethol. Mae gan y cofnod penodol hwnnw'r drwydded agored CC BY 4.0; gweler testun y drwydded am delerau ail-ddefnyddio'r gwaith.