Skylab

Oddi ar Wicipedia
Jump to navigation Jump to search
Skylab (SL-4).jpg
Data cyffredinol
Enghraifft o'r canlynolspace laboratory Edit this on Wikidata
Màs77,000 Cilogram edit this on wikidata
Rhan oApollo Applications Program Edit this on Wikidata
GweithredwrNASA Edit this on Wikidata
GwladwriaethUnol Daleithiau America Edit this on Wikidata
Hyd25.1 metr Edit this on Wikidata
Tudalen Comin Ffeiliau perthnasol ar Gomin Wicimedia

Skylab oedd yr orsaf ofod gyntaf a lansiwyd gan Unol Daleithiau America. Cafodd ei lansio ar roced Saturn V ar 14 Mai, 1973 o Kennedy Space Center yn Florida, a dinistriwyd y strwythur ar 11 Gorffennaf 1979 pan syrthiodd o orbit.

Hanes[golygu | golygu cod y dudalen]

Cafodd Skylab ei greu fel rhan o'r Apollo Applications Progam, swyddfa NASA a sefydlwyd yn 1965 gyda'r bwriad o lunio rhaglenni gofod yn defnyddio technoleg Apollo a oedd yn cael ei ddatblygu ar y pryd. Corff yr orsaf oedd yr adran olaf o'r roced Sadwrn V a addaswyd i gynnwys sustemau bywyd ac offerynnau gwyddonol ar gyfer criw o dri gofodwr. Ar y pryd, Skylab oedd yr orsaf ofod fwyaf i gael ei lansio.

Pan gafodd ei lawnsio, achosodd niwed i'r orsaf. Daeth un o'i phaneli heulol [solar panels] i ffwrdd (gweler y llun, dde), yn ogystal â tharian - hebddo, cododd y gwres mewnol yn yr orsaf i lefelau peryglus. Er mwyn achub yr orsaf, hyfforddwyd y criw cyntaf i drwsio'r orsaf. Roedd eu perwyl yn beryglus, yn cynnwys nifer o dechnegau arloesol i adeiladu tarian newydd. Roedd y trwsiadau yn llwyddiannus.

Skylab a'i griwiau[golygu | golygu cod y dudalen]

Ymwelodd 3 chriw â Skylab rhwng 1973 a 1974. Treuliodd y criw olaf tua 84 o ddyddiau ar yr orsaf - record ar y pryd. Cafodd nifer o arbrofion gwyddonol eu cwblhau, gan gynnwys mesuriadau gyda thelesgôb yr orsaf.

Defnyddiwyd capsiwl Apollo y criwiau i roi hwb i'r orsaf, yn sicrhau bod ei orbit yn stabl. Fodd bynnag, ar ôl dychweliad y criw olaf, wnaeth drag awyrgylch tenau y Ddaear ddechrau achosi i'r orsaf syrthio tuag at y blaned. Cynlluniwyd anfon perwyl i'r orsaf yn y 1970au hwyr er mwyn sicrhau bod yr orsaf yn goroesi i mewn i'r 1980au, ond gydag oedi i'r Gwennol Ofod - wnaeth o lawnsio am y tro cyntaf dim ond yn 1981 - doedd hyn ddim yn bosib. Wnaeth o syrthio o orbit yn 1979. Cafodd olion Skylab eu ffeindio yn Awstralia.

Gweler hefyd[golygu | golygu cod y dudalen]