Silindr ffonograff

Oddi ar Wicipedia
Jump to navigation Jump to search
Silindr ffonograff Edison, tua 1904

Silindrau ffonograff yw'r cyfrwng masnachol cynharaf ar gyfer recordio ac atgynhyrchu sain. Roedden nhw'n cael ei hadnabod fel "recordiau" pan oeddynt ar eu mwyaf poblogaidd (c. 1896–1915). Roedd gan y gwrthrychau silindrig hyn recordiad wedi'i ysgythru ar eu wyneb allanol, a oedd yn cael ei ail-gynhyrchu wrth eu chwarae ar ffonograff silindr mecanyddol.[1] Pan ddyfeisiodd Thomas Edison y ffonograff yn 1877, roedd ei recordiadau cyntaf sain y gellid ei adnabod ar ffoil tin oedd wedi'i rwymo o amgylch silindr metal.[2] Nid oedd ffoil yn gyfrwng ymarferol at ddibenion masnachol nac artistig, felly symudodd Edison ymlaen i ganolbwyntio ar olau trydanol a gadael i eraill ganolbwyntio ar dechnoleg sain.[3]

Ar ôl saith mlynedd o ymchwil ac arbrofi yn Labordy Volta, cyflwynodd Charles Sumner Tainter, Alexander Graham Bell a Chichester Bell gwyr fel cyfrwng recordio ac ysgythru, yn hytrach na rhicio fel dull recordio. Yn 1887, profwyd eu system "Graphophone" gan ohebyddion swyddogol Cyngres yr UDA, a chynhyrchwyd unedau masnachol yn ddiweddarach gan y Dictaphone Corporation.[4] Dechreuodd Edison weithio ar y ffonograff eto wedi i'w gynrychiolwyr ddangos y system hon iddo. Dewisodd silindr cwyr trwchus, can bod modd ei lyfnhau eto i'w ailddefnyddio. Trowyd y "Graphophone" a'r "Perfected Phonograph" gan Edison eu troi'n fasnachol yn 1888. Arwyddwyd cytundeb i rannu'r patent a chafodd silindrau cwyr Edison eu dewis o'r ddau fel fformat cyfnewidiadwy.[5]

Roedd y silindrau safonol tua 4 modfedd (10 cm) o hyd, 2¼ modfedd (5.7 cm) mewn diamedr, ac yn chwarae tua 2 funud (120 eiliad) o gerddoriaeth neu sain arall.[6] Gwella wnaeth ansawdd y silindrau gydag amser, on erbyn y 1910au, daeth recordiau disg yn fwy poblogaidd a chymryd lle'r silindrau fel y prif gyfrwng masnachol ar gyfer sain.[3]

Cyfeiriadau[golygu | golygu cod y dudalen]

  1. Aodhan Phipps (November 8, 2013). "History of Recorded Music". Transcript of History of Recorded Music. Prezi. Adalwyd 2018-01-12.  Check date values in: |date= (help)
  2. "1877 Thomas Edison Cylinder Recorder". Mix Magazine. September 1, 2006. Adalwyd 2016-07-11.  Check date values in: |date= (help)
  3. 3.0 3.1 Callie Taintor (May 27, 2004). "Chronology:Technology and the Music Industry". FRONTLINE the way the music died. Public Broadcasting Service. Adalwyd 2018-01-12.  Check date values in: |date= (help)
  4. Steve Schoenherr (July 6, 2005). "Recording Technology History". Recording Technology History. University of San Diego. Archifwyd o y gwreiddiol ar August 13, 2006. Adalwyd 2018-01-12.  Check date values in: |date=, |archive-date= (help)
  5. Schoenherr, S. (1999) "Charles Sumner Tainter and the Graphophone" (via the Audio Engineering Society). Retrieved 2014-05-04.
  6. Russ Orcutt (September 7, 2017). "13) All About The Records". 45 Record Adapters. 45 Record Adapters. Adalwyd 2018-01-12.  Check date values in: |date= (help)